«2022 – 2024 жылдарға арналған республикалық бюджет туралы» заңға енгізілген өзгерістерге сәйкес 2022 жылы жекелеген есептік көрсеткіштердің мөлшері ұлғайтылды.

Осылайша, 2022 жылдың 1 сәуірінен бастап есептік көрсеткіштер келесідей бекітілді:

• айлық есептік көрсеткіш - 3 180 теңге;
• мемлекеттік базалық зейнетақы төлемінің ең төменгі мөлшері – 20 191 теңге;
• зейнетақының ең төменгі мөлшері - 48 032 теңге;
• базалық әлеуметтік төлемдердің мөлшерін есептеу үшін ең төмен күнкөріс деңгейінің шамасы – 37 389 теңге.

Бұл ретте ең төменгі жалақы мөлшері өзгерген жоқ (60 000 теңге).