Аудан әкімінің үлкен мәжіліс залында мемлекеттік қызметшілердің төл мерекесіне арналған салтанатты жиын өтті.
Бүгінде 330-дан астам ауданымыздың азаматы мемлекеттік аппаратта қызмет істейді.Ең әуелі жиналғандарды кәсіби мерекелерімен аудан әкімінің міндетін атқарушы Айбек Бидаев құттықтады.
– Еліміздің мемлекеттік қызмет саласы ұзақ қалыптасу кезеңінен сәтті өтіп, бүгінде кәсіби мемлекеттік аппарат құрылуда.Тәуелсіз Қазақстанның 30 жылдық тарихы мемлекеттің дамуы мен өркендеуі білікті мемлекеттік қызметтің негізінде ғана мүмкін екенін дәлелдеп берді. Бүгінгі мемлекеттік қызметшіден халық асқан жауапкершілік пен жоғары біліктілікті, тиімді қызмет пен адамгершілік қасиеттер мен патриотизмді күтеді. Сіздер халықтың көңілінен шығады деп сенемін, – деді Айбек Дүйсенбекұлы құттықтауында.
Салтанатты жиынға «AMANAT» партиясы аудандық филиалының атқарушы хатшысы Қуат Байғоджаев, мәслихат хатшысы Бекет Ахметов қатысып отырды. Шара аясында ауданымыздағы мемлекеттік мекемелерде елеулі еңбек еткен үздік қызметкерлер марапатталып, оларға арнайы алғысхатттар табысталды. Шара соңында аудан өнерпаздары мемлекеттік қызметкерлердің айтулы мерекесіне арнап ән мен жырдан шашу шашты.
Е.АСЫЛ.
