Жуырда аудан әкімдігінің үлкен мәжіліс залында «Тамшыбұлақ» қоғамдық бірлестігінің басшысы Жанат Тулемисова жастармен кездесу өткізіп, «ZHAS PROJECT» атты жастарға арналған жобаны түсіндірді. Бірлестік басшысының айтуынша, жоба бойынша 63 жеңімпаз жас анықталып, 1 млн теңге көлемінде грант бөлінеді. Конкурсқа өтінім беру 26 шілдеде басталып, 10 тамызға дейін қабылданады. Осы аралықта жастар өздерінің әлеуметтік жобаларын ұсынып, қорғауға мүмкіндік алады. 18 тамызда жеңімпаздар анықталады. Сонымен қатар, өтінім беруші жастардың осал топтарына ерекше басымдық беріледі. Яғни, жобада жеңімпаз атануға жұмыссыз ретінде тіркелген жастар, аз қамтылған отбасыларда тұратын жастар, жетім балалар мен мүгедектер, мүгедек баланы тәрбиелеп отырған жас ата-аналардың мүмкіндігі жоғары болады. Конкурсқа қатысуға ниет білдірушілер толық ақпаратты 8 705 214 63 67 ұялы байланыс нөмірі арқылы біле алады. 

Сардарбек НҰРАДИН