Осы аптада ҚР Парламент Мәжілісінің депутаты Жанарбек Әшімжанов іс-сапармен ауданымызға келіп, құрылыс нысандарын аралады. «AMANAT» партиясының аудандық филиалында қабылдау өткізіп, жергілікті тұрғындар мәселесіне құлақ түрді.
Іс-сапардың алғашқы күні мәжілісмен Ташкенсаз ауылындағы Абдуллин атындағы орта мектеп жанынан салынып жатқан қосымша ғимараттың, Төле би ауылындағы жаңа мектептің, Есік қаласындағы көппәтерлі тұрғын үйлердің құрылысымен танысты. «AMANAT» пар-тиясының аудандық филиалында азаматтарды қабылдады.
Екінші күні Жанарбек Әшімжанов Шелек өңіріне ат басын бұрып, Қазақстан ауылындағы Қайыпов атындағы орта мектеп жанынан салынып жатқан қосымша ғимараттың, Нұрлы ауылындағы жел электр станциясының, Шелек ауылындағы көпқабатты тұрғын үйлердің құрылыс барысын көріп, «AMANAT» партиясының Шелек бастауыш ұйымында азаматтарды қабылдады.
Мәжіліс депутатының ауданымыздағы іс-сапары жайлы толық ақпаратты газетіміздің келесі санынан оқи аласыздар.
Е.АСЫЛ.
