Орталық сайлау комиссиясы төрағасының орынбасары Константин Петров президент сайлауының қорытындысы қашан жарияланатыны және үміткерлерге қандай талаптар қойылатынын айтты.

Қазақстан президенті үміткеріне қойылатын талаптар келесідей:

• ҚР азаматы болу.
• Соңғы 15 жылда Қазақстан аумағында тұру.
• Жоғары білімінің болуы.
• Жасы 40-қа толған болуы.
• Белсенді сайлау құқығының болуы.
• Мемлекеттік қызметте немесе сайланбалы лауазымда кемінде 5 жыл жұмыс тәжірибесінің болуы.
• Мемлекеттік тілді еркін меңгеруі.
• Сайлау жарнасы – 3 миллион теңге.

Президенттікке кандидаттарды ұсыну 23 қыркүйектен басталып, 11 қазанда аяқталады. 

Сайлауалды үгіт-насихат жұмыстары 21 қазаннан басталып, 18 қараша сағат 00:00-ге дейін жүргізілетін болады. 

Үнсіздік күні – 19 қараша. 

Дауыс беру 20 қарашада өтеді. 

Сайлаудың алдын ала қорытындысы 21-27 қараша аралығында жарияланатын болады. 

Енді сайлау бюллетендерде «барлығына қарсы» деген баған болады.