Т.Молдағалиев атындағы аудандық мәдениет үйінде 25 қазан Республика күніне арналған салтанатты шара өтті. Аталған шараға аудан әкімі Алтай Досумбаев, аудан әкімінің орынбасарлары, бөлім басшылары мен округ әкімдері, мемлекет қызметкерлір мен сала үздіктері қатысты.
Мерекелік концерт шымылдығы ел рухын көтерер әнұранмен түрілді. Салатанатты шарада аудан әкімі Алтай Досумбаев: «Араға 13 жыл салып қайта оралған Республика күні – біздің санамызда жаңғыратын маңызды мереке. Баршаңызды ұлттық мерекемен құттықтаймын!», - деді. Сондай-ақ аудан басшысы аталған мерекенің мән-маңызы ерекше екенін айтып, жиналған көпшілікке толғай табыс тіледі.
Ұлттық мереке ұлықталған шарада өңіріміздің өркендеуіне атсалысқан, ауданымыздың әлеуметтік-экономикалық дамуына үлес қосықан бірқатар азаматтарға «Еңбекшіқазақ ауданының Құрметті азматы» атағы берілді. Сонымен қоса, өзге де сала үздіктеріне аудан әкімінің арнайы алғыс хаттары табысталды. Салтанатты шара ары қарай концерттік бағдарламаға ұласты. Онда ауданымыздың өнерпаздары құйқылжыта ән шырқап, мың бұрала би биледі.

Е.АСЫЛ.