Облыс орталығы Қонаев қаласында өткен Республика күніне арналған салтанатты жиында облыс әкімі М.С.Сұлтанғазиев Еңбекшіқазақ ауданының ішкі саясат, мәдениет, тілдерді дамыту және спорт бөлімі басшысының орынбасары Момынжан Исламовқа Қазақстан Республикасының Президенті, Қазақстан халқы ассамблеясының төрағасы Қ.Тоқаевтың Алғыс хатын табыстады.

 Қазақстан Республикасының Президенті Қасым-Жомарт Кемелұлы Тоқаевтың 2022 жылғы 14 қазандағы Жарлығына сәйкес Еңбекшіқазақ ауданы әкімінің орынбасары Бименов Бауыржан Мыныханұлы «Ерен еңбегі үшін» медалімен марапатталды. Аталған марапатты облыс басшысы Марат Елеусізұлы Республика күніне орай ұйымдастырылған мерекелік салтанатты жиында арнайы табыс етті.      

 Еңбекшіқазақ ауданында көп жылдар бойы аудан әкімінің бірінші орынбасары қызметін абыроймен атқарған, көптеген әлеуметтік-экономикалық құрылыстардың бой көтеруіне ықпал етіп, басшылық жасаған Ташболат Жамалұлы Жамаловқа облыс әкімі Марат Сұлтанғазиев Республика күніне арналған салтанатты жиында «Алматы облысының құрметті азаматы» төсбелгісін табыстады.