Кезектен тыс ҚР Президентінің сайлауын өткізген дұрыс па әлде бұрыс па деген сұрақтар күмәнданушылар тарапынан аз болған жоқ. Бұл пікірталастардың соңғы нүктесін 2022 жылы 20 қарашада өткен сайлаудың Еxit poll (жасырын сауалнама) сараптамалық, яғни алдын-ала жасалған қорытындыларынан көруге болады. Алдымен тізімге кірген сайлаушылардың дауыс беруге қатысу пайызы 69-ды құрағанына  келсек, ересек азаматтарымыздың негізгі бөлігі, яғни үштен екісі елдің басқарушысын таңдауға бей-жай қарамайтынын, ел болашағын сенімді қолға тапсыруға ынталы екенін көрсетті. Еңбекшіқазақ  ауданының орталығы Есік қаласының екі-үш сайлау учаскелерінде болған азды-көпті уақытта аңғарғаным – тұрғындардың дені отбасымен келуді қалапы. Егделеу бір сайлаушы әйел дауыс беруге жасы толған мүмкіндігі шектеулі қызын жетектеп сайлау учаскесіне келгенде :

– Жәшікті қызыңызға үйге жеткізіп беруге тиіс еді ғой, – деген сұрағыма:

– Қиындау болса да, мүгедек қызым өзі келіп дауыс беруге ынталанды. Айтатын уәжі: – Кемдігіме қарамай сайлаушылар тізіміне кіргізгені мені толғантты,  – дейді, – және мемлекет мені жәрдемақы төлеп қолдап отырса, неге саяси науқаннан тыс қалуым керек?

Орталық сайлау комиссиясы Қ.Тоқаевтың 81,31% дауыс алғанын хабарлап, жеңісімен құттықтады. Ресми түрде ОСК құжатымен бекітілген сәттен бастап кезектен тыс сайлауда жеңген Президентіміздің ел игілігіне атқаратын қызметінде мол мүмкіндік туады деген сөз.

Хайролла ҚАСЫМҰЛЫ,

Қазақстанның құрметті журналисі.