Бүгін Мәжілістің жалпы отырысы Қаңтар оқиғасы құрбандарын еске алудан басталды. Парламент Мәжілісінің жалпы отырысында «Жаңа Қазақстан» депутаттық тобының Қаңтар оқиғасына қатысты сауалына ҚР Бас прокуроры Берік Асылов пен ҚР Ішкі істер министрі Марат Ахметжанов жауап берді.

Бас прокурор Берік Асылов Қаңтар оқиғасына дайындық жыл бойы жүргізілген деп мәлімдесе, Ішкі істер министрі Марат Ахметжанов нақты қылмыстық істер жасалғанын айтып өтті. Әрине, бәрімізде Қаңтар оқиғасы кезінде ел тұтастығына қатты алаңдадық. Дегенмен, Мемлекет басшысының осындай қиын жағдайда өзіне тарихи жауапкершілік алып, батыл шешімдер қабылдағанына көз жеткіздік. Осындай сын сағатта Қ.Кемелұлы: «Мемлекет құламайды!» деген бір ауыз сөзімен халыққа рух беріп, үндеу жариялады. Тәуелсіз елімізді бұрын-соңды болмаған қиындықтан алып шықты. Ең бастысы Тәуелсіздігімізді сақтап қалдық. Бүгінде Президенттің бастамасымен елімізде қарқынды және жан-жақты жаңғырту үдерісі басталды. Мемлекет басшысының стратегиялық бағыты қоғамның қолдауына ие болды. Енді біздің қоғам бір ниетте болып «Әділетті Қазақстанның» туын биік көтеретін кез жетті деп білемін.

Тілеулес ҰЗАҚОВ, 

аудандық ардагерлер кеңесінің төрағасы.