Таратылған мәжіліс пен мәслихаттарды жаңаланған депутаттар корпусымен толықтырып кезексіз сайлау өтті. Есік қаласындағы 126-шы сайлау учаскесінде дауыс бердім. Ұйымдастыру жағынан аңғарғаным – қазақтың дөрекілеу болса да нақты айтылған «соқырға таяқ ұстатқандай» дауыс беретін ғимаратқа стрелкалар қойылған көрсеткіш тақталар адастырмай алып барады. Сайлау комиссиясына жеке куәлігімді ұсынып, бюллетендерді алып, сәл кідіріп қалсам керек, «Отбасы мүшелері үшін дауыс бермейсіз, өздері келеді. Өздері береді дауыстарын», - деді сайлауком мүшесі.

Сайлау алдында қала әкімдігінің қызметкерлері әбігер үстінде жүргенін аңғарып:

- Неге жүгіріп жүрсіңдер? - десем,

- «Бұрынғы сайлаудағыдай сайлаушы бір ғана бюллетенді толтырмайды – бірнеше өкілетті органға дауыс береді, яғни таңдау жасауға көбірек уақыт кететінін ескеріп, қосымша дауыс беру кабиналарын орнатып жатырмыз, - деген еді әкімдік маманы.

Жағдайды ескерген деген осы екен.

Хайролла АХМЕТЖАНОВ,

ардагер журналист.