Дүйсенбі, 29 Мамыр 2023 20:00

Ерлігі ел есінде

«Даңқ» орденінің толық кавалері Ыбырайым Қалдыбаевтың туылғанына 105 жыл толуына орай жақында Шелек тарихи-өлкетану музейінде «Ерлер есімі елімен мәңгі жасайды» атты мәдени шара өтті.

Шараға округ әкімінің орынбасары Мәди Бектасов, ардагерлер алқасының төрағасы Әбілбек Айтақынов, зейнеткерлер Алмагүл Абиырқызы мен Жетпіс Сыдықбаев, мәдениет үйінің, ауылдық модельді кітапхананың қызметкерлері, тұрғындар мен батырдың ұрпақтары қатысты.

Батырдың ұрпақтары, ауыл ақсақалдары Ы.Қалдыбаевты еске алып, ерліктері жайлы әңгіме өрбітті. Батырдың алғаш Сталинград түбінде ұрысқа қатысқанынан Орлов-Курск иініндегі, Днепр өзенінен өтердегі, Лоева қаласындағы, 1-ші Беларусь майданының құрамында Мозорь, Варшава қалаларын азат етудегі және Эльба өзені жағасында соңғы шайқасқа қатысып, елге оралғанға дейінгі ерліктері айтылды. Осы шайқастарда ерлігі еленіп, «Даңқ» орденінің толық иегері атанды. Бірнеше медальдармен және И.Сталиннің 10 мәрте алғысына ие болды. Бейбіт күндері Ыбырайым ақсақал Шелек ауданындағы ауыл шаруашылықтарының өндіріс салаларында еңбек етіп, 1978 жылы құрметті еңбек демалысына шықты.

Мәдени шара барысында Ы.Алтынсарин атындағы мектеп оқушылары соғыс көріністерінен сахналық қойылым қойып, патриоттық әндерді шырқады. Сондай-ақ, халықаралық жазушылар одағының мүшесі Айдын Тұрлықожаұлы және мәдениет үйінің қызметкерлері өз өнерлерін ортаға салды. Арнау өлеңдер оқылды. Шара соңында оқушыларға ауданды көп жыл басқарған, соғыс ардагері Х.Бижановтың жыр жинағы сыйға тартылды.

Анарбек МӨКІШҰЛЫ.

Оқылды 334 рет

Соңғы жаңалықтар

Шіл 05, 2024

ШОС

Шіл 05, 2024

ШОС

Шіл 05, 2024

ШОС

Шіл 05, 2024

ШОС

Шіл 05, 2024

Таза Қазақстан

Күнтiзбе

« Шілде 2024 »
Дс Сс Ср Бс Жм Сб. Жк
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет