ҚР Парламенті Мәжілісінің депутаты Рожин Максим Еңбекшіқазақ ауданына жұмыс сапарымен келіп, бірқатар нысандарды аралады.
Өңірге жасаған сапары барысында Рожин Максим, Алматы облыстық мәслихат депутаты Құраметова Гүлнәр Сьездбекқызы, Аудан әкімінің орынбасары Нұрмаханов Ертай Сұлтанәлиұлы, Еңбекшіқазақ аудандық партия филиалының төрағасы Рахимов Багдат Болатұлы, аудандық білім бөлімінің басшысы Төлеубекова Арайлым Ақсубайқызы, және Партиялық бақылау комиссия мүшелері. «Жол картасы» бағдарламасы аясында күрделі жөндеуден өтіп жатқан Абылайхан атындағы №4 орта мектебі, Рахат ауылдық округіне қарасты салынып жатқан 900 орынды жайлы мектеп, 450 орындық Төле би ауылының салынып жатқан мектеп құрылысымен танысты.

Абылайхан атындағы №4 орта мектеп ғимаратының күрделі жөндеу жүргізілмегеніне 20 жылдан асқан. Уақыт өте әбден тозығы жеткен мектепке күрделі жөндеу жұмыстары өткен жылы қыркүйек айында басталған болатын.
Қазіргі таңда нысанда жөндеу жұмыстары баяу жүргізілуде, себебі Бас мердігер мен қосалқы мердігерлердің өзара келіспеушілігі.
Осы мәселені жалғаған «AMANAT» партиясының өкілдері аталмыш нысан партияның жіті бақылауында екенін айтты.
Мәжілісмен Рожин Максим өз кезегінде аманаттықтар сайлауалды бағдарлама аясында осы және өзге де нысандар ерекше бақылауда болатындығын жеткізіп, құрылыс жұмыстарының қарқынын күшейту бойынша ұсыныстарын айтты.

Кездесу соңында Мәжіліс депутатты әр күрмеулі мәселенің шешім табуына күш салатындығын жеткізді. Рахат ауылдық округіне қарасты салынып жатқан 900 орынды жайлы мектеп құрылыс жұмысын зерделеу барысында құрылысты жүргізуші мердігер мекемелеріне құрлысты сапалы жүргізіп, уақытылы аяқталуын және өз міндеттеріне жауапкершілікпен қарауды тапсырды.