Ғалымдар Covid-тің ХЕС деп аталатын жаңа нұсқасы бүкіл әлемге тарай бастағанын ескертті. Бұл нұсқа алғаш рет Германияда маусымда табылды, содан бері ХЕС Ұлыбританияда, АҚШ-та, Данияда және басқа да бірқатар елдерде тіркелді. Аталған ақпарат жайлы америкалық ғалым және Скриппс зерттеу институтының директоры Эрик Топол мәлімдеді. Ол ХЕС енді тарап жатқанын айтады. «ХЕС негізгі ауру түріне айналғаны анық. бірақ ол қарқынды таралуына бірнеше ай қажет» – деді Тополь.

Ғалымдардың айтуы бойынша, ХЕС басқа вирустардан тезірек таралатын кейбір мутацияларымен ерекшеленеді. Дегенмен, қолданыстағы вакциналар аса ауыр зардаптардың алдын алуға көмектесуі керек деп есептейді.

Фармацевтика өнеркәсібі коронавирусқа қарсы вакциналарды үнемі жаңартып отырады. Бірақ, оларды әлі жаңа нұсқаға бейімдеген жоқ.

Лондон университеттік колледжінің генетика институ-тының жетекшісі, профессор Франсуа Балудың болжамдары бойынша, ХЕС келесі Covid-19-дың негізгі нұсқасы болуы мүмкін.