Сейсенбі, 01 Сәуір 2025 09:48

Алматы облысында «Qonaev media» өңірлік телеарнасы ашылады

Бұл туралы баспасөз-мәслихатында су жаңа теларнаның басшылары мәлімдеді.

Алматы облысымен қатар, республика көлемінде тікелей хабар тарататын арнаға танымал тележүргізушілер жетекшілік етпек. Жаңа арнаның жаңа басшысы Қымбат Хангельдина болса, бас продюсер қызметін Қымбат Досжан атқарады.

Жаңалыққа негізделген телерадиокешені қазақ және орыс тілдерінде тәулігіне 12 сағат хабар таратады.

«Мамыр айында ақырындап іске қосылып бастаймыз. Жалпы штат саны-80. Негізгі құрам анықталғанымен, әлі де телеарнаның «ыстығына күйіп, суығына тоңуға» дайын әріптестерді сүзгіден өткізіп, жұмысқа қабылдаймыз. Жұмыс жоспары әзірлену үстінде»,-деді «Qonaev media» телерадиокомпаниясы ЖШС директоры Қымбат Хангельдина.

Алматы облыстық телеарнасы деп саналғандықтан, қаржыландыру облыстық бюджеттен жүзеге асырылады. Алайда, арна көрерменнің жүрегіне жол тауып жатса, іскерлік жобалар да қолға алынып, кіріс әкелетін арнаға айналу көзделген.

Телеарнада жаңалықтан бөлек, түрлі бағыттағы бағдарламалар эфирден көрсетілмек.

«Ақпараттық хабарлар күнделікті үш мезгіл эфирден беріледі. Апта сайын ақпараттық-сараптамалық бағдарламалар да жарық көреді. Өңірдің әлеуеті зор. Сондықтан, мәдениет, спорт, туризм бағыттарын қамтитын циклді жобалар болады»,-деді «Qonaev media» арнасының бас продюсері Қымбат Досжан.


Жаңа арна ашылғанымен, телеарна қызметкерлері үшін қолайлы кеңсе табу өзекті мәселе болып тұр. «Qonaev media» телеарнасының ғимараты уақытша Алматы қаласында орналасады. Облыс орталығы Қонаев қаласнан арнайы медиа-орталық ашылған кезде, арна толықтай облыстың бас шаһарына қоныс аударады.

Айта кетейік, болашақта арна жанынан жергілікті радио әуе толқынында хабар тарататын болады.

Оқылды 409 рет

Соңғы жаңалықтар

Қар 26, 2025

Күймен өрілген ғұмыр

Нұра ауылында қазақ күй өнерінің көрнекті өкілі, Жетісу өңірінің күйшісі Омархан…
Қар 26, 2025

Бір тіл – бір әлем

Әр адам өзінің өмір жолын немен байланыстыратыны тек өз еркінде. Алдына мақсат қойып,…
Қар 26, 2025

Чемпиондық рух

 Саламатты өмір салты - адамның басты байлығы – денсаулықты күтуге, дұрыс өмір сүруге…
Қар 24, 2025

Ауыз су сапасына қойылатын талаптар

 Адам өмірінің басты тіршілік көзі — су. Су адам ағзасының шамамен 60–70%-ын құрайды және…
Қар 24, 2025

Терінің жұқпалы саңырауқұлақ аурулары

Терінің саңырауқұлақ аурулары – теріні, тырнақты және шашты зақымдайтын саңырауқұлақтан…
Қар 24, 2025

Мемлекеттік бақылау және қадағалау…

Мемлекеттік бақылау және қадағалау — қоғамдағы қауіпсіздік, сапа, құқықтық тәртіп және…
Қар 20, 2025

Тұрақтылықтың стратегиялық бағдары

Мемлекет басшысы Қасым-Жомарт Тоқаевтың «Қазақстан Республикасының ішкі саясатының…
Қар 19, 2025

Ғажайып дәрілерге сенеміз бе?

Соңғы жылдары Қазақстанда халық денсаулығын тез жақсартуды уәде ететін, түрлі атаумен…
Қар 19, 2025

Ғасырлар үні: Қазақ тілінің даму…

Тіл – ұлттың жаны, халықтың рухани өзегі. Ол ұлттың дүниетанымын, мәдениетін, тарихын…

Күнтiзбе

« Қараша 2025 »
Дс Сс Ср Бс Жм Сб. Жк
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет