Ашхабадта климаттың өзгеруіне арналған Орталық Азияның VII конференциясы өтуде. Жиында жаһандық климаттық қаржыландыруға қол жеткізу, қаржыландыру тәсілдерін әзірлеу және өңірлік климаттық архитектураға ұлттық басымдықтарды біріктіру, сондай-ақ төмен көміртекті даму жолына көшу мәселелері қаралып жатыр. Конференцияға 200-ден астам қатысушы, оның ішінде Орталық Азия елдерінің өкілдері, халықаралық ұйымдар, қаржы институттары мен ғылыми орталықтар бар. Экология және табиғи ресурстар вице-министрі Мансұр Ошурбаев 2026 жылы өтетін өңірлік климаттық саммитке ерекше назар аударылатынын, Қазақстан бұл саммитті өңірлік диалогты нығайтудың және күш-жігерді үйлестірудің стратегиялық алаңы ретінде қарастыратынын жеткізді. 

Серік Жұмабек