Мұнда үлкен саясаттан гөрі, әрбір адамға тікелей әсер ететін мәселелер қозғалып отыр: технологияға қолжетімділік, инфрақұрылымды жаңарту, шағын және орта бизнесті дамыту, аймақтар мен Азиядағы ірі экономикаларды байланыстыратын жаңа бағыттардың ашылуы.
Кедендік реттеу саласындағы ынтымақтастық та нығайды – бұл логистиканы жеңілдетіп, экспорт-импорт операцияларын жылдам әрі тиімді етуге мүмкіндік береді.
Мұндай келісімдер бір күннің жемісі емес. Бұл – болашаққа бағытталған, жүйелі әрі салмақты сыртқы саясаттың нәтижесі. Қазақстанның бұл мүмкіндікті тиімді пайдалануына барлық негіз бар.
