Конституциялық реформа жөніндегі комиссияның соңғы отырысында қаралған ұсыныстарды ерекше мән беріп қабылдадым. Конституция – тек мемлекеттің негізі ғана емес, сонымен қатар халықтың құқықтары мен тағдырын айқындайтын басты заңдық құжат болып табылады. Бұл құжат тәуелсіздікті, әділеттілікті және азаматтардың құқықтарын қорғауды қамтамасыз ету тұрғысынан аса маңызды.
Отырыста талқыланған адам құқықтары мен бостандықтарын қорғау, заң үстемдігін қамтамасыз ету және мемлекеттік басқаруды жетілдіру мәселелері біздің ұстанымымызбен сәйкес келеді. Әділдік біз үшін тек қағаз бетінде емес, нақты іс-қимылдар арқылы көрінуі қажет. Ұсынылып отырған конституциялық түзетулер азаматтардың құқықтары мен бостандықтарын нақты қорғай отырып, олардың мемлекетке деген сенімін арттыруға бағытталған.
Осыған орай, Конституциялық реформа жөніндегі комиссияның ұсыныстары еліміздің демократиялық дамуына, қоғамдағы әділеттіліктің нығаюына және азаматтардың құқықтарын қорғаудың тиімділігін арттыруға үлес қосатынына сенім білдіремін.
«Алматы облыстық мәслихатының төрағасы»
БАЙГОДЖАЕВ Куат Султанович
