Конституциялық деңгейде адвокатура институтының құқықтық мәртебесін бекіту – құқық үстемдігін қамтамасыз етудің маңызды кепілі. Бұл азаматтардың білікті заң көмегіне қол жеткізу құқығын нығайтып қана қоймай, сот жүйесінің тәуелсіздігі мен ашықтығын арттырады. Адвокатураның институционалдық дербестігі құқықтық мемлекеттің негізгі белгілерінің бірі болып табылады.
Конституциялық Сотта адвокаттардың қатысуы заңнамалық актілердің мазмұнын терең құқықтық сараптаудан өткізуге жол ашады. Олар жеке дауды ғана емес, құқық нормасының конституциялық негізін талдайды. Бұл Конституцияның тікелей қолданылуын қамтамасыз етіп, оның қоғам өміріндегі рөлін күшейтеді.
Асубай Есендос,
Мәдениет саласының қызметкері
