Үгіт-насихат кезеңінің нақты мерзіммен шектелуі – сайлау процесіндегі әділдік пен теңдікті қамтамасыз етудің маңызды шарты. Белгіленген уақыт аясында ғана үгіт жүргізуге рұқсат берілуі барлық кандидаттар мен саяси субъектілерге бірдей мүмкіндік ұсынады. Бұл ақпараттық кеңістікте артықшылыққа жол бермей, бәсекелестіктің тең жағдайда өтуіне негіз қалайды.

Мерзімнің нақты айқындалуы қоғам үшін де маңызды. Азаматтар қай уақыт аралығында үгіт материалдары таралатынын, пікірталастар өтетінін және ақпараттық науқан жүретінін біледі. Нәтижесінде ақпарат реттелген түрде ұсынылып, сайлаушыларға асығыс немесе шамадан тыс қысым көрсетілмейді.

Сонымен қатар, үгіт кезеңінің шектелуі сайлау алдындағы «тыныштық күні» қағидатын сақтауға мүмкіндік береді. Бұл күні азаматтар сыртқы ықпалсыз, сабырлы жағдайда өз таңдауын саралап, шешім қабылдай алады. Яғни, уақыттық шектеу – ақпараттық тепе-теңдікті сақтаумен қатар, саналы әрі еркін дауыс берудің кепілі.

Туйгунова Гузелнур Кудратовна

Аудандық ассамблея жастарының төрайымы