Тұтынушылардың құқықтарын қорғау департаментіне азаматша ағылшын тілі курсының сапасына қатысты шағыммен жүгінді. Өтініш берушінің айтуынша, төлем жасамас бұрын оған заманауи оқыту тәсілі, оқытушының жоғары біліктілігі және тиімді әдістеме туралы ақпарат берілген.

Алайда сабақ басталғаннан кейін көрсетілген қызметтің нақты сапасы уәде етілген талаптарға сәйкес келмейтіні анықталған. Оқыту барысында ескірген әдістеме қолданылған, жеке тәсіл қарастырылмаған, материалды түсіндіру сапасы тұтынушының күткен деңгейіне сай болмаған. Осыған байланысты азаматша әрі қарай оқудан бас тартып, төленген қаражатты қайтаруды талап еткен.

? Департамент мамандары жағдайды жан-жақты зерделеп, тұтынушыға қолданыстағы заңнамаға сәйкес құқықтарын түсіндірді. Азаматшаға қызмет көрсетушіге жолданатын сотқа дейінгі талап-арызды (досудебная претензия) дайындау және жіберу бойынша практикалық көмек көрсетілді.

? Ресми талап-арызды алғаннан кейін қызмет көрсетуші тұтынушының талабын қарап, дауды ерікті түрде реттеу туралы шешім қабылдады. Нәтижесінде қысқа мерзім ішінде өтініш берушіге 215 883 теңге көлеміндегі қаражат толық қайтарылды.

✅ Уақтылы жүгіну және білікті құқықтық сүйемелдеудің арқасында мәселе сотқа жеткізілмей шешімін тапты.

Өтініш беруші Департамент қызметкерлеріне кәсібилігі, мұқияттылығы және жедел көмегі үшін алғыс білдірді.

Егер сіз де сапасыз қызметке тап болып немесе тұтынушы ретіндегі құқықтарыңыз бұзылса — мәселені кейінге қалдырмаңыз. Өз құқықтарыңызды қорғау үшін Департаментке жүгініңіз.