Конституциялық реформалар әлеуметтік әділеттілік қағидатын нығайтуға бағытталған. Заң алдында барлығының тең болуы, әлеуметтік кепілдіктердің сақталуы және халықтың әл-ауқатын арттыруға басымдық берілуі қоғам тұрақтылығының негізі болып табылады.
Мемлекет азаматтардың еңбек ету, білім алу, денсаулық сақтау және әлеуметтік қорғау салаларындағы құқықтарын қамтамасыз етуге айрықша мән береді. Әлеуметтік осал топтарды қолдау, мүмкіндігі шектеулі жандардың құқықтарын қорғау және табыс теңсіздігін азайтуға бағытталған шаралар құқықтық тұрғыда бекітілді. Бұл қоғамдағы тең мүмкіндіктер қағидатын орнықтыруға ықпал етеді.
Сонымен қатар, әділдік ұстанымы мемлекеттік ресурстарды тиімді әрі ашық бөлу арқылы жүзеге асады. Әлеуметтік саясаттың сапасын арттыру, өңірлер арасындағы даму алшақтығын қысқарту және халықтың өмір сүру деңгейін көтеру – реформалардың басты басымдықтарының бірі.
Осылайша, әлеуметтік әділеттілікті нығайтуға бағытталған конституциялық өзгерістер қоғамдағы сенім мен келісімді күшейтіп, тұрақты әрі үйлесімді дамудың берік іргетасын қалайды.
ТАЙЧИБАЕВ
Нуржан Эльмуратович
Аудандық маслихат депутаты
