Сыбайлас жемқорлыққа қарсы іс-қимыл тетіктері конституциялық деңгейде нығайтылды. Мемлекеттік қызметшілердің жауапкершілігін арттыру және ашықтық стандарттарын енгізу қоғамның сенімін күшейтеді. Бұл құқықтық мәдениеттің дамуына оң әсер етеді.

Атап айтқанда, мемлекеттік шешім қабылдау үдерістерінің жариялылығын қамтамасыз ету, кірістер мен мүлікті декларациялау жүйесін жетілдіру, мүдделер қақтығысын болдырмау тетіктерін нақтылау – адалдық қағидаттарын орнықтыруға бағытталған маңызды қадамдар болып табылады. Бұл шаралар мемлекеттік басқару сапасын арттырып, қызмет бабын жеке мақсатта пайдалануға жол бермеуге мүмкіндік береді.

Сонымен қатар, қоғам мен бұқаралық ақпарат құралдарының бақылау рөлін күшейту, азаматтардың құқықтық сауаттылығын арттыру және сыбайлас жемқорлыққа «мүлдем төзбеушілік» мәдениетін қалыптастыру – кешенді саясаттың ажырамас бөлігіне айналады.

Осылайша, конституциялық деңгейде бекітілген сыбайлас жемқорлыққа қарсы нормалар мемлекеттік аппараттың ашықтығы мен тиімділігін қамтамасыз етіп қана қоймай, әділдік пен заң үстемдігіне негізделген қоғам құруға берік негіз қалайды.

БАЗИЛБЕКОВА

Сайра Сыдыковна

Аудандық маслихат депутаты