Инвестициялық тартымдылық пен кәсіпкерліктің дамуы құқықтық тұрақтылыққа тікелей байланысты. Жаңа Конституция экономикалық еркіндікті қорғап, адал бәсекелестік қағидаттарын нығайтады. Бұл – ел экономикасының сапалы өсіміне жол ашады.

Конституциялық деңгейде меншік құқығының мызғымастығы, кәсіпкерлік қызмет еркіндігі және нарықтық қатынастардың әділ қағидаттары нақты бекітіледі. Мұндай құқықтық негіз бизнес өкілдерінің сенімін арттырып, ішкі және сыртқы инвестициялардың тартылуына қолайлы жағдай қалыптастырады.

Сонымен қатар, шағын және орта бизнесті дамытуға ерекше көңіл бөлінеді. Әкімшілік кедергілерді азайту, кәсіпкерлікті қолдаудың тиімді тетіктерін енгізу және цифрлық экономиканы дамыту – экономиканың бәсекеге қабілеттілігін арттыруға ықпал етеді.

Инвесторлардың құқықтарын қорғау, келісімшарттардың тұрақтылығын қамтамасыз ету және экономикалық дауларды әділ шешу жүйесін жетілдіру де маңызды бағыттардың бірі болып табылады. Бұл экономикалық қатынастардың ашықтығын қамтамасыз етіп, іскерлік ортадағы сенімді күшейтеді.

Осылайша, жаңа Конституция экономикалық реформаларды құқықтық тұрғыдан қолдап, елдің тұрақты дамуына, жаңа жұмыс орындарының ашылуына және халықтың әл-ауқатының артуына берік негіз қалайды.

Байтулақов Асыл Байтулақович,

Қоғам белсендісі