Digital Qazaqstan ұлттық стратегиясы аясында Қазақстан Республикасы Энергетика министрлігі Отын-энергетика кешенінің (ОЭК) бүкіл инфрақұрылымын ашық онлайн жүйеге біріктіретін бірыңғай цифрлық контур қалыптастыруды бастады.
✔️Технологиялық трансформацияның алғашқы кезеңі қазірдің өзінде аяқталды. Ведомство жылыту маусымына дайындықты бақылаудың цифрлық құралдарын енгізіп, электр станциялары үшін тарифтерді бекіту процесін толық автоматтандырды. Мұнай мен сұйытылған газды бөлу электрондық форматқа көшірілді. Бұл «адами факторды» жойып, нарық қатысушылары үшін ресурстарға әділ қолжетімділікті қамтамасыз етті.
✔️Цифрландыру және жасанды интеллект жылы аясында министрлік саланың виртуалды архитектурасын құруды іске қосуда. Негізгі жаңашылдықтардың бірі – электр энергиясын өндіру және мұнай-газ секторындағы стратегиялық нысандар үшін «цифрлық егіздер» технологиясын енгізу. Зияткерлік алгоритмдерді пайдалану жабдықтардың тозуын онлайн режимде талдауға мүмкіндік беріп, апаттардың салдарын жою тәжірибесінен оларды алдын ала болжау және болдырмау жүйесіне көшуге жол ашады.
✔️Сонымен қатар көмірсутектердің толық цифрлық қадағалау жүйесі енгізіледі. Әрбір тонна шикізат пен отынның қозғалысы мұнай ұңғымасынан бастап соңғы тұтынушының жанармай багына дейінгі барлық кезеңдерде цифрланады. Бұл шара жеткізілімдердің толық ашықтығын қамтамасыз етіп, жанар-жағармай нарығындағы кез келген көлеңкелі айналымды техникалық тұрғыдан мүмкін емес етеді.
✔️Ұзақ мерзімді жоспарлау үшін ОЭК-ті дамытудың интеграцияланған мастер-жоспары әзірленуде. Оның негізіне энергия тұтынудың өсуін дәл болжауға, экономиканың әртүрлі секторларының жұмысын үйлестіруге және инвестициялық тәуекелдерді бағалауға мүмкіндік беретін цифрлық математикалық модельдер енгізіледі.
✔️Бұл ауқымды трансформация өнеркәсіптік қауіпсіздіктің жоғары деңгейін қамтамасыз етіп, энергетикалық жүйенің тұрақты жұмысын және Қазақстанның инвестициялық тартымдылығын арттыруға мүмкіндік береді.
