Еңбекшіқазақ ауданы, Шелек модельді ауылдық кітапханасының ұйымдастыруымен 2026 жылдың 27 наурыз күні ауыл тұрғындарының қатысуымен отбасы құндылықтары туралы түсінік беріп, «бақытты отбасы» ұғымын қалыптастыру, үлкенге құрмет, өзара сыйластық пен мейірімді одан әрі арттыра түсу, кітап оқуға шақыру мақсатында «Отбасы құндылықтары - қоғамның басты құрамдас бөлігі» атты семинар өткізілді.
Отбасы адам өмірінде кездесетін бағалы құндылықтың бірі. Отбасы - табиғат сыйлаған кереметтердің бірі. Жеке адамның бойында ар-ұятын, ақыл-ойын, адамгершілік, мәдениетін тәрбиелеуге отбасы - алғашқы қадам. Әр шаңырақта бақытты, білімді, саналы ұрпақтарыңыз көп болсын!
Шара барысында тақырыпқа байланысты мерзімді басылымдар беттерінде жарияланған материалға жайма ұйымдастырылды. Отбасы құндылықтары туралы бейнеролик көрсетілді, қатысушылар арасында отбасыдағы жауапкершілік, адалдық, сенім және қазіргі қоғамдағы қарым-қатынас мәдениеті жайлы әңгімелер қозғалды.