Дүниежүзілік денсаулық сақтау ұйымы жариялаған пандемия кезеңінде COVID-19 коронавирустық инфекциясының таралуының алдын алу және білім беру ұйымдарында білім алушылар мен тәрбиенушілердің, педагогтер денсаулығының сақталуын қамтамасыз ету мақсатында барлық орта білім беру ұйымдарында қашықтан оқыту жоғары дәрежеде ұйымдастырылған.

Айталық, қазір аудандағы білім ошақтарында «Әдістермен бөлісейік» жобасы жасалып, ағылшын тілі және жаратылыстану-математика бағыты пән мұғалімдерімен тәжірибе алмасты. Жоба аясында ұстаздар «Telegram», «Classroom» «WhatsАpp» парақшалары арқылы онлайн сабақтар өткізді. Әлеуметтік желідегі «ZOOM» платформасы арқылы облыстық, аудандық вебинарлар ұйымдастырылып, кері байланыс орнатылды. Мәселен, Рахат №1 орта мектебінің ағылшын тілі мұғалімі А.Қыдырбаев, Қорам орта мектебінің мұғалімі Қ.Койайдаров аудан көлемінде «Қашықтықтан оқытуды ұйымдастыру және басқару тетіктері» тақырыбында вебинар өткізіп, пікір алмасты.

2020 жылдың 22 мамырында облыстық «Қашықтықтан оқытуда оқу тапсырмаларын орындау жолдары мен мүмкіндіктері» вебинарда ауданымыздың химия пәні мұғалімдері Нуртай Ерназар мен Азатқызы Динара, В.Терешкова атындағы орта мектебінің биология пәні мұғалімі Татьяна Зайтова «Ағылшын тіліндегі тоқсандық жиынтық бағалау мен бөлім бойынша жиынтық бағалауды «Google» формада ұйымдастыру және тиімді жақтары» атты вебинар өткізді. Бұл вебинарға Іле,Жамбыл,Кербұлақ ауданда-рының әдіскерлері мен мұғалім-дері қатысып, өте жақсы бағаланды.

Облыстық қашықтықтан «Заманауи сабақ – педагогтың кәсіби өсуінің көрсеткіші» атты үздік бейне-сабақтар фестивалі өтті. Осы бейне-сабақ фестивалінен Д.Қонаев атындағы орта мектебінің ағылшын пәні мұғалімі Федина Тамара Константиновна ІІІ дәрежелі диплом, В.Терешкова атындағы орта мектебінің химия пәні мұғалімі Баймолдаева Эльвира Баймолдақызы Алғыс хатқа ие болды.

З.ТУЛЬТАЕВА,

аудандық білім бөлімінің әдіскері