Ата-аналар үйлерінен әртүр-лі тәтті тағамдар пісіріп  әкеліп, оны арзан бағамен сатып, біраз қаржы жиналды. «Жиналған қаражатты ауданымыздағы жағдайы төмен отбасы балаларына беруді көздеп отырмыз» – дейді ұйымдастырушылар. Лицейде мұндай шаралар жиі ұйымдастырылып отырады. Атап айтсақ, өткен айда дәл осындай қайырымдылық жәрмеңкесін 8 «Б» сыныбы өткізген болатын. Жәрмеңкеден түскен 150 мың теңгені Қаракемер ауылындағы жағдайы төмен отбасыларға азық-түлік сатып алып беріп, тағы бір отбасына 2 тонна көмір түсіріп берген болатын. «Жұмыла көтерген жүк жеңіл» демекші, халқымыз қашанда қайырымдылық жасаудан шет қалмаған. Біз де келешек ұрпақты ата жолымен тәрбиелеп, бойына адамгершілік қасиеттерді сіңіруге атсалысудамыз.

Дина Маманова,

қазақ тілі мен әдебиеті пәнінің мұғалімі.