Ұйғыр, Райымбек, Еңбекшіқазақ, Іле, Жамбыл ауданда- рында мектеп, аурухана,балабақша салып, елдің әлеуметтік жағдайының жақсаруына өзіндік үлесін қосып келеді. Осындайда «Азаматына қарап ау- ылын таны» деген аталы сөз еріксіз ойға ора- лады.Көмек қолын созатын, өз ісіне тиянақты, жұмысы тындырымды болғандықтан, атқарған шаруалары да сапалы болуда. Айтқан сөзінде тұру, оны орындау – үлкен адамдық қасиет. Сол себепті адамдар мұндай азаматтарға сенеді, арқа сүйейді, сыйлайды, құрметтейді. Жиырма жылдай бірге жұмыс істеп келе жатқан әріптесі Тұрдақынмен ой бөліскенімде: «Жұмысына адал әрі жұмысын тыңғылықты істейтін,өзінің қарамағындағы жұмыскерлеріне талапшыл, өтірік сөйлегенді ұнатпайтын, өз ісінің шебері», – деп Ибекең жөнінде ағынан жарылды. Иә, нағыз азамат осындай болса керек-ті. Әрқашан жұмыс басынан табылып, қалай жұмыс істеу керектігін түсіндіріп отырады. Өмір болған соң адам ба- сында түрлі жағдайлар кездеседі. Соларға қолын созып, материалдық, моральдық көмек беріп, ақылын айтып, жаныңнан табылады. Мектеп Азаматтың абыройлы ісі өмірі де қарбалас кезеңдерден тұрады. Бірі бітсе, екіншісі басталып жатқан жұмыстар. Барлығын жасап тастау да мүмкін емес. Абы- лайхан мектебінде биылғы оқу жылында 1-11 сыныптар бойынша 1750 бала оқиды. Мектеп екі корпустан тұрады, екінші корпуста бастау- ыш сынып оқушылары оқиды. Ата-аналар та- рапынан дәретхананың талапқа сай еместігі туралы өтініштер түскендіктен, оны қайтадан жасаумәселесі туындады. Осы кездеде Ибра- гим Исмайлұлы есімізге түсіп, көмектесуін сұрадық. Көп сөзге келген жоқ, балалар үшін көмек қолын созатынын айтып, уәдесін берді. Ертесі-ақ жұмысты бастап кететіндігі туралы айтып, көңілімізді орнықтырды. Ауа райының қолайсыздығына қарамастан, жарамсыз дәретхананы бұзып, жаңасын тұрғызып берді. Айтуға жеңіл болғанымен, жұмыс барысындағы қиыншылықтарды жеңе білді. «Азаматтың ісін бастағанынан емес, аяқтағанына қарап бағала» демекші, бастаған ісін жауапкершілікпен бітіріп, өткізіп берді. «Сабақты ине сәтімен» дегендей, осы істің басы-қасында болып,ашық алақанымен, кең жүрегімен жомарттық танытқан Ибрагимге мектеп ұжымы мен ата-аналар комитетінің атынан зор алғысымызды білдіреміз. Жанұясына бақыт тілеп, ел экономикасының дамуына зор үлесін қосып, биіктен көрінуіне тілектеспіз.
І.ҚАТУБАЕВ,
Абылай хан атындағы орта мектеп директоры.