Есік қаласы әкімінің орынбасары Қуат Ақшабаев, аудандық салық басқармасының бас мамандары, Дидар Доспанбетов, Шынқожа Тіккелдиев, жол-патрульдік полициясы қызметкерлері взвод командирі Ғалымжан Әділжанұлы, аға сержант Данияр Әкімқалиев және аға сержант Дәурен Талдыбаев рейдті Алтын адам аллеясы жол бойында жүргізді. Көбіне жол талғамайтын әрі жанармайға деген құлқынының көлемі көп көліктер жол жағасына еріксіз тізіліп жатты. Көлік құжаттары салық басқармасының бас мамандарымен компьютер арқылы сол жерде тексеріліп, көлік салығының төленген немесе төленбегендігі анықталды. Көлік салығын төлеген жүргізушілер сапарын әрмен қарай жалғастырса, төлемеген жүргізушілерге сол жерде ескерту жасалып, он күн көлемінде уақыт берілді. Төленбеген жағдайда салық сот арқылы өндіріледі.
Ә.МАНАСБЕК.