Қ.Болманов еліміз тәуелсіздік алғаннан кейін Қытайдың және басқа елдердің сапасыз әрі денсаулыққа зиян тигізетін ойын-шықтары қаптап кеткені ой салып, қалайда ұлттық нақышта әрі сапалы материалдан жасалған тың туынды шығаруды қолға алыпты. Ойыншық болғанда да жәй емес, сол баламен ана қазақ тілінде сөйлесетін, ән салатын ерекше үлгідегі,қазақтың ұлттық болмысын сақтай отырып, болашақ иелерін жақсылыққа тәрбиелеу мақсатындағы ойыншықтар. Бұл ойыншықтардың ерекшелігі – бала ойнап отырып, «сәле-метсің бе? Атың кім?» деген сияқты сұрақ жауап арқылы тез тілі шығып, сөйлеуге мүмкін-дік туғызуы екен. Мұндай қымбат, қымбат та болса, көрегендікпен ойға алған ойын-шықтарды шетел фирмаларымен келісе отырып дүниеге келтіруде. Ойыншықтың ұлттық үлгідегі 13 түрін және этно-педагогикалық әдістемелік оқулық кітаптарымен шығарған Қыдырәлінің бұл дүниелері балабақшаларда игілікке асуда. Осы еңбегі оң бағаланып, Қ.Болмановқа Ресей елінің докторлық атағы да беріліпті.
Балаларға базарлық ретінде «Боямақ», «Балдәурен» атты кітаптарды сыйлады. Ата-аналар, тәрбиешілер келешек иелеріне арнап танымдық тәлім алатын ойыншықтарды игілікке асырғаны үшін өнер жұлдызына алғыстарын айтты.
Анарбек МӨКІШҰЛЫ.