Қарапайымдылығымен, қазақтың қанына сіңген ашықтығымен бірден балалардың көңілін жаулап алған тау тұлғалы Тұңғышбай аға: «Біздің тілде мұндай кездесулерді «мастер класс» дейді. Менен өздеріңді қызықтырып жүрген сұрақтарды сұраңдар, талқылайық, әңгімелесейік. Қысылмаңдар, менің де сендер сияқты балаларым бар, шәкірттерім жетерлік. Өмір сүріп жатқан жерім – қазақ елі, қызметім – қазақтың өнері», – деп ағынан жарылды.Жастардың болашағына алаңдаушы-лығын жасырмай: «Қазір таза өнер мен базар өнер араласып кетті. Жарқылдаған түстер мен тарсылдаған әуен сананы алдауда. Сендердің де кейде ненің жақсы, ненің жаман екенін ажыратуға шамаларың келмей қалады. Бір мысал айтайын, тойдың басынан аяғына дейін бір толастамай шырқалатын «Мария Магдалена чип-чип-чип» деген ән бар. Ал, ол не сөз, нендей мағына? Біздің қазаққа тіптен жат ұғым, біле білсеңдер. Кезінде Магдалена деген опасыздық жасаған әйел болған, сондықтан да оны «грешная Магдалена» деп те атаған. Ал енді біз келеміз де оны әнге қосып, құлақтарымызға сіңіріп жатырмыз. Осыдан қандай тәрбие, қандай өнеге алуға болады?! Одан қала берді, чип-чип-чип деп тауықтарды шақырып жатыр ма?» – деп өнердің биігін аласартып жүрген жандарға деген ренішін жасырмады Тұңғышбай Қадырұлы.

Оқушылардың қойған сұрақ-тарына тұщымды жауап берген Тұңғышбай ағамыз Әділбай Талқамбаев ағамыздың қазақтың қара домбырасымен ән салып берсеңіз деген өтінішін де жерге тастамады. Ойлы сөздері бар термені тебірене шырқап, қошеметке бөленді.

Тағылымы мол, өнегелі кездесудің соңы қадірлі қонаққа шапан жабуға ұласты. Лицей оқушылары естелік суретке түсіп, қолтаңбасын алды есімі елге танымал ер ағаларының.

Алмагүл НҰҒМАН.