Есік қаласы әкімі аппаратының ұйымдастыруы-мен, «JI» жарнамалық агенттігі және «IssykLife» компаниясының қолдауымен өткізілген велошерудің мақсаты – саламатты өмір салтын насихаттай отырып, әр азаматтың спортты дамытуға өзіндік үлесін қосуды насихаттау. Шерудің ашылу салтанатында Есік қаласының әкімі Б.Бименов қатысушыларға табыс тілеп, ҚР Тәуелсіздігінің 25 жылдық мерекесіне әрбір қала тұрғынының осылайша белсенді үлес қосқаны үшін алғыс білдірді.
Велошерудің өткізілу ережесі-мен таныстырған «IssykLife» компаниясының директоры А.Бурдасов қауіпсіздік шаралары мен шеру бағытын айтып өтті. Аудандық мәдениет үйінің алдынан бастау алған велосипедшілер қатарын Б.Бименов бастап Абай көшесімен жоғары жүрді, Жамбыл даңғылы бойымен өтіп, Набережная көшесімен төмен түсіп, Ш.Уәлиханов көшесімен аяқтады.
Белсенді деп танылған шерудің ең жас қатысушысы 11 жасар А.Алдияр, аудандық жұмыспен қамту және әлеуметтік бағдарламалар бөлімінің басшысы Қ.Айсина қала әкімінің арнайы алғыс хатымен марапатталды. Мерекелік велошерудің соңында қала тұрғындары ұйымдас-тырушыларға ризашылығын білдіріп, алғыстарын айтты.
Айдын БАЙТІЛЕУОВ,
спорт ісі жөніндегі әдіскер нұсқаушы.