Сейсенбі, 21 Қараша 2017 21:10

Көгілдір отын ауламда!

Армандар орындалады! 14 қарашада аудан орталығында алғаш көгілдір отын жанғанда есіктіктер дәл осылай қуанды. Себебі, Тәуелсіздік алған жылдардан бері бізде газ болса деген арман тұрғындар көкейінде тұрса, бұл осыдан 2 жыл алды аудан атқамінерлерінің нақты мақсатына айналған еді. Былтырғы жаңа жыл қарсаңындағы аудан әкімі Бинәлі Ысқақтың газетімізге берген сұхбатында «...Аудан аумағының 152 шақырымын қамтитын «Қазақстан-Қытай» газ құбырының 3 желісінің де құрылысы аяқталуға жақын. Оған тартылған инвестиция көлемі 2013 жылы 26 млрд теңгені құраса, жалпы көлемі 58 млрд теңге. Биылдан ірі 34 елді-мекенге газ құбырларын тарту жұмысы жоспарлануда» деген еді. Міне, бір жыл ішінде жемісін көзімізбен көрдік. Алматы облысы әкімінің орынбасары Айдарбек Байжанов, аудан басшысы Бинәлі Ысқақ бастаған топ Есіктің солтүстік-шығыс өңірінде орналасқан газ тарату стансасын салтанатты жағдайда ашты.

2016 жылы құрылысы басталған станса биылғы наурыз айында аяқталған еді. Бұған «АПЛ Констракшн» ЖШС өз қаражатынан 4,2 млрд теңге жұмсады. Мәлімет бойынша, қуаттылығы сағатына 50 мың текше метр болатын «Есік» автоматтандырылған газ тарату стансасы 10 мыңнан астам тұрғын үй мен 300-ден астам түрлі кәсіпорындарды көгілдір отынмен қамтамасыз етуге қауқарлы. Болашақта Есік қаласы мен ауылдық округтердің 51 елді-мекені осы құбырдан газ алатын болады.

Алғаш сөз алған облыс әкімінің орынбасары Айдарбек Байжанов: «Бүгін біз тарихи сәтке куә боп отырмыз. Еңбекшіқазақ ауданына алғаш газ жағу құрметі Сіз бен бізге бұйырып тұр» дей келе игі шара Елбасымыздың Жолдауында айтылған «Экономикалық өсімнің тұрақтылығы үшін елдің тау-кен металлургиясы мен мұнай-газ кешендері өзінің маңызын сақтауға тиіс» деген тапсырмасы аясында атқарылып жатқанын айрықша атады

Әрі облыс әкімі Амандық Баталовтың тікелей бақылауындағы негізгі тапсырма деді. Ал Жетісу өндірістік филиалы «КазТрансГаз» «Аймақ» директоры Жайық Әлішев қала тұрғындарын қуанышпен құттықтады, табиғи газдың басымдықтарын баса айтты. «АПЛ Констракшн» компаниясының директоры Марсель Кажи: «Соңғы он ай ішінде Еңбекшіқазақ ауданы аумағында газдандыру жұмыстары қарқынды жүргізілді. 39 шақырым жерден газ тартылып, осы жыл соңына дейін Есіктегі 1000-ға жуық үйге газ кіргізу жоспарда бар, – деді. Иә, компания басшысы атап өткендей, «Күш – Түрген – Есік» магистралінен тартылған газ құбырлары арқылы үйімізге қыста газ келеді деп қуанышын жеткізді қала тұрғыны Савелий Карасавиди. Сондай-ақ, әр үйге құбыр тартуда баға тұрақтылығын қатаң бақылауда ұстап тұрса екен деген тұрғындар тілегін жеткізді басшыларға. Қазіргі қолда бар ресми мәліметке сүйенсек, әр жеке түтінге газ кіргізу 350 мың теңгені құраса, көппәтерлі үй иелеріне 94 мың 700 теңгеге саяды.  Ал ай сайынғы ақшасы әр текше метріне 33,95 теңгеден айналады.

Сонымен салтанатты рәсімге де кезек келді. Басшылар мен ақсақалдар бірігіп көгілдір отынның алауын жақты. Кейіннен Пушкин көшесі 29 үйдің табиғи газбен жылуын барлады көпшілік.

Қазіргі уақытта аудан орталығынан бөлек Шелек өңірін газдандыру жұмыстары қызу жүргізілуде. Әрі Азат, Қайназар ауылдарына да газ құбырлары тартылып келеді. Болжам бойынша жақын арада аудандағы 2000-ға жуық үйде көгілдір отын жанады деп күтілуде. Бұл тұрғыда аудан басшысының «Бұйыртса 3-4 жылда іргелі өңіріміздің тұрғындары толықтай көгілдір отын қызығын көретін болады» деген сөзін тұздық еткенді жөн көрдік. Лайым, бастаған істің берекесін берсін деп тілейік.

 

Қайнар ЖҰМАҒОЖА.

Оқылды 2271 рет
Осы категориядағы басқа материалдар: « Үстем болсын мерейің ... Көгілдір отын ауламда! »

Соңғы жаңалықтар

Шіл 10, 2025

«Е-өтініш –мемлекеттік органдарға…

Е-Өтініш – бұл Қазақстан Республикасының азаматтарына, ұйымдарына және заңды тұлғаларына…
Шіл 10, 2025

28 шілде — Дүниежүзілік вирустық…

28 шілде — Дүниежүзілік денсаулық сақтау ұйымы (ДДҰ) белгілеген Дүниежүзілік вирустық…
Шіл 10, 2025

Чествование преданных делу…

В городе Қонаев состоялось торжественное собрание, посвящённое профессиональному…
Шіл 10, 2025

Қоғамдық денсаулық сақтау ісіне адал…

Қонаев қаласында кәсіби мереке — Ветеринария күніне арналған салтанатты жиын өтті.…
Шіл 10, 2025

Адам өмірі мен қоғамдық қауіпсіздік…

30 маусым күні Алмалыбақ ауылындағы футбол алаңында 10 жасар Максим Головачевке ит шабуыл…
Шіл 10, 2025

Жизнь человека и общественная…

30 июня на футбольном поле в селе Алмалыбак на 10-летнего Максим Головачёва напала…
Шіл 10, 2025

Дизентерияның алдын алу шаралары

Дизентерия — негізінен Shigella spp. туыстығына жататын бактериялар қоздыратын, ішек…
Шіл 10, 2025

Профилактика сальмонеллеза. Чем…

Сальмонеллез - острое кишечное заболевание (ОКИ), которое характеризуется резким…
Шіл 10, 2025

Энтеровирусты инфекция дегеніміз не?

Энтеровирусты инфекция дегеніміз қоздырғышы вирустар болып табылатын ішектің жұқпалы…

Күнтiзбе

« Шілде 2025 »
Дс Сс Ср Бс Жм Сб. Жк
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет