Жылдағы дәстүр бойынша аудандық пошта торабы халықаралық әйелдер күніне орай мекемеге келген қыз-келіншектерді, ақ жаулықты аналарды құттықтап, гүл шоқтарын ұсынды.
Ертемен жиылған пошта қызметкерлері алдымен нәзік жанды әріптестерін мерекемен құттықтап, сый-сияпаттарын табыстады. Жұмыс уақыты басталысымен, зейнетақысын алуға келген зейнеткерлердің легінде шек болмады. Тұтынушыларына құттықтау сөзін арнаған мекеме басшысы Диас Қосыбаев:
– Гүл жайнаған көктем мерекесімен қатар келген арулар, аналар мерекесімен шын жүректен құттықтаймыз! Сіздерге барлық жақсылықты тілей отырып, әрқашан көңілдеріңіз көтеріңкі болсын демекпін. Бүгінгі жасалып жатқан еңбектің барлығы өздеріңіз үшін. Біз тұтынушыларға қолайлы жағдайдың бәрін жасаймыз – деген Диас Қосыбаев бастаған пошта қызметкерлері барлық аналарға, қыз-келіншектерге гүл шоқтарын табыстап, ақ тілектерін білдірді.
С.НҰРАДИН
