Жұма, 24 Шілде 2020 12:36

Дәрі іздесеңіз...

Елімізде коронавирус індеті өршіп, «жау жағадан алғанда, бөрі етектен тартып», дәріхана сөрелерінде дәрі тапшылығы байқалды. Пандемия кезінде ең қажетті дәрі-дәрмектер табылмай, жұртшылық әбден әбігерге түсті. Осындай қиын сәтте пайда ойлаған кейбір дәріхана иелері бағаларды негізсіз өсіріп, қымбатшылықты қолдан жасаған.

Осыған орай, Мемлекет басшысы Қ.Тоқаевтың тапсырмасына сәйкес, бағаны тұрақтандыру мақсатында аудан әкімі өткен аптада дәріханаларды аралап, ахуалмен танысқан. Мониторинг жұмыстары кезінде аудан орталығындағы екі дәріханада дәрі-дәрмек тапшылығы жоқ екендігі, мүлдем болмағандығы анықталған болатын. Соның бірі – Қ.Орымбетов атындағы көшеде орналасқан «Рауза» ЖШС-нің дәріханалар желісінің Есік қаласындағы филиалы. Осы аптада аталған дәріханаға барып, меңгерушісі Алуа Ашимановамен (суретте) кездесіп, жұмыс барысымен таныстық. 

Ғимарат табалдырығын аттағаннан-ақ, дәріхана белгіленген талапқа сай жұмыс жасайтындықтары көрініп тұр. Екі-үш адамнан артық кіруге болмайды. Медициналық маскасыз да аттап баса алмайсыз. Қызметкерлері де санитарлық нормаларды сақтауда.

Барлық дәріханаларда қара-пайым парацетомол мен аспирин табылмай, бар болған күннің өзінде бірнеше есе жоғары бағамен сатылып жатқанда, мұндағы дәрілер бағасы мүлдем өзгермеген.

– Аспирин 45 теңге, парацетомол 95 теңге, антигриппин 200 теңге. Пандемияға дейін де осы баға болған. Қазіргі уақытта барлық дәрілер жеткілікті деңгейде. Себебі, біз қойманы алдын-ала толтырып, дәрілерді көптеп аламыз. Сондықтан, індет өршіген кезде дәрі тапшылығы болмады. Тек, әр адамға 1 қораптан артық берілмеді. Қажетті дәрілер қоймада болмаған күннің өзінде, басқа қоймалардан жеткізіліп, сол бағамен сатылды, – дейді Алуа Қуандыққызы. Сөзіне сүйенсек, Есік қаласындағы бірнеше дәріхана дәрілерді осы жерден алып сатады екен. 

Шыны керек, дәрілерді таба алмаудан үрейленген жұрт бірнеше қорабын алып, дәрі тапшылығына себеп болуда. Осыны айтқан дәріхана меңгерушісі тұтынушылардың басым көпшілігі 20-30 қорабын бірден алғысы келетіндігін жеткізді. Тіпті, шу шығарып, жалынып тұратындар да табылатын көрінеді. Біреуге жан қайғы болса, енді бірі қысқа сақтауға қияр басу үшін бірнеше қорап аспирин сұрайды екен. Сол себептен де, бір адамға 1 қорап дәрі беріледі.

Алуа Ашиманованың сөзі-ше, қазір эпидемиологиялық жағдай тұрақталғандай болған. Өткен апталарда дәріхана алдында кезек қаптап тұратын. Бүгінгі таңда қалыпты жұмыс жасап жатыр. Соның өзінде санитарлық талаптарды қатаң сақтайды. Ғимарат едені күніне бірнеше рет хлормен тазартылады. Қызметкерлер бетперде мен қолғапты шешпейді, санитайзерлер орнатылған.

– Ел басына күн туған қиын сәтте халықпен бірге болған «Рауза» ЖШС-нің басшылығына ризашылығымды білдіргім келеді. Кейбір дәріханалар дәрі тапшылығын қолдан жасап, бағаны қымбаттатқан кезде, біздің дәріханалар желісінде ешқандай қиындықтар туындаған жоқ. Дәрілер бұрынғы бағамен саудалана берді. Адамгершілік пен адалдықтың арқасында біз қиын жағдайдан шыға білдік. Осылайша, аты жаман індетті де жеңетінімізге сенімдімін, – дейді Алуа Қуандыққызы.

С.НҰРАДИН

Оқылды 1932 рет
Осы категориядағы басқа материалдар: « Жеті шелпек туралы құпияны білесіз бе? Дәрі іздесеңіз... »

Соңғы жаңалықтар

Мам 15, 2025

Кәсіптік аурулардың алдын-алу…

 Кәсіптік аурулар — адамның еңбек қызметі барысында зиянды және қауіпті өндірістік…
Мам 15, 2025

День семьи: многодетная мать из…

В городе Конаеве более 600 многодетных матерей получают поддержку от общественного…
Мам 15, 2025

Вдвое больше воды, чем за…

Всего с начала текущего поливного периода местные фермеры получили 44 млн кубометров…
Мам 15, 2025

Суару кезеңі басталғалы Жамбыл…

Биылғы суару маусымы басталғалы жергілікті шаруалар 44 млн текше метр су алды. Бүгінгі…
Мам 15, 2025

Астанада қазақстандық өндірушілердің…

Ертең, 16 мамырда, Астанада EXPO халықаралық көрме орталығында отандық өндірушілердің…
Мам 15, 2025

МЕДИЦИНАЛЫҚ САҚТАНДЫРУ ҚОРЫН МАҢЫЗДЫ…

Бүгінде Әлеуметтік медициналық сақтандыру қоры денсаулық сақтау жүйесінің негізгі…
Мам 15, 2025

Т.Молдағалиев атындағы аудандық…

Екінші дүниежүзілік соғыс кезінде Англияның премьері Уинстон Черчилльге қаржы министрі ел…
Мам 15, 2025

Ұлттық құндылықтар ұлықталды

Әрбір ұлттың болмысында ғасырлар бойы бабадан балаға мирас болып келе жатқан адамгершілік…
Мам 15, 2025

Шебердің қолы - алтын

Сағат Қалыбек ҚХР-ның Мұңғұл күре ауданына қарасты Ақсу ауылында 1972 жылдың 15…

Күнтiзбе

« Мамыр 2025 »
Дс Сс Ср Бс Жм Сб. Жк
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет