Елбасымыз ұсынған «100 нақты  қадам» Ұлт жоспары-ның 30-шы қадамын орындау барысында 2016 жылдың 1 қаңтарынан  бастап жергілікті атқарушы  органдарға есеп беретін жергілікті  полиция қызметі  өз жұмысын бастады. Мемлекет басшысының  тапсырмасына сәйкес «Жергілікті полиция қызметін» құрудың басты мақсаты –  тұрғындармен тығыз қарым-қатынаста жұмыс істеп, ел тыныштығын күзетуде  полиция қызметінің ашықтығын  қамтамасыз ету, халықтың сенімін арттыру болып табылады, –  деп бастады сөзін жергілікті полиция қызметі басшысының орынбасары М.Карибаев. – Тіркелген қылмыстар саны өскенмен де ауыр және аса ауыр қылмыстарды сәйкесінше  32 және 23 пайызға төмендетуге қол жеткізілді. Қылмыстардың ішінде  ұрлық 34 пайызға өскен. Оның ішінде пәтер ұрлығы 66,4 пайызға, мал ұрлығы 5,3 пайызға, алаяқтық 84,1 пайызға өскен. Ал есірткі төңірегіндегі қылмыс саны екі еседен аса артып отыр.

Есеп беруші «құқықтық тәртіп», «Бақылау», «қауіпсіз жол», «Жаяу жүргінші», «Мас  жүргізуші» тағы да басқа жедел  алдын алу шаралары жүргізіліп жатқандығын баяндады. Сонымен қатар «көршілер бақылауы», «Заң бұзушылыққа төзбеушілік» атты бағдарламалар  да жұмыс істеуде. Баяндамада учаскелік инспекторлардың неше мәрте тұрғындармен кездесіп, қанша пәтер, қанша үйлерге бас сұққанына дейін көрсетілген. Бірақ, баяндаманың басында көрсетілгендей қылмыс, заң бұзушылық өспесе төмендемей  тұр.

Жергілікті  полиция қызме-тінің құзырына кәмелетке  тол-мағандар қылмысының  алдын алу, қорғау, жол патрульдік  полиция, табиғат қорғау полиция-сы қызметтері де кіреді. Бұл жөнінде де жергілікті полиция басшылығы толықтай ақпарат берді.

Бұдан кейін  күн тәртібіне қойылған мәселені дайындаған  қоғамдық кеңес мүшесі Гүлзада Ахметова учаскелік полиция қызметкерлерін  тұрғындар танымайтынын,  білмейтінін сынай  тұрып, аудан аумағында әйел зорлау фактілері көбейіп кеткеніне назар аударды.

Учаскелік инспекторларды елдің білмеуінің бір себебі олардың қызмет орнының жиі  ауысатындығынан, – дейді ке-ңес мүшесі Гүлнәр Жошыбаева. Ал Қазыбай Жылқыбеков жоғарыда атап өткеніміздей полиция қызметкерлері – мемлекет қызметкерлері, олай болса мемлекеттік  тілде  сөйлесе де, құжаттар жүргізе де білуі керек, сонымен қатар жергілікті полицияға кадр іріктеу, тұрақтан-дыру ісіне жауаптылықпен  қарау керек  екенін ескертті. Роза Исатаева әйелдердің отбасылық жағдайда құқықтары бұзылып, жәбірленуін азайту үшін өзі басқаратын  әйелдер кеңесімен бірігіп жұмыс істеуге шақырды.

Жергілікті полиция қызметі-не,  әсіресе,  жол-патрульдік по-лицияға молынан көмек беретін техникалық жабдық: бейнекамералар неге қолданылмайды? – деген сұрақ қойды кеңес мүшесі Х.Ахметжанов. – Орталықта, Алматы мен Абай көшесінің тұйық қиылысында қойылған Керей,  Жәнібек хандардың ескерткішін жүк мәшинесі қиратып кетті  осыдан біраз уақыт бұрын. Жүргізуші табылмады. Ал бұл аумақта бір кездері видеобақылау камерасы қойылған да болатын.  Сұрастырсақ  істемейді екен. Неге істемейді? Ол камера-лардың жұмысына кім жауапты деген сұрақ  ашық қалды десек те  болады. Қазіргі террорлық, содырлық қаупінің сары түсі тұрған жағдайда бұл бейнекамералардың  қажеттігі еселеп артпаса  кемімейді.

Жуырда  өткен әкімдік аппа-ратының  мәжілісінде  аудан әкімі  Бинәлі Ысқақ кейбір елді мекендерде ешқандай алдын-ала хабарлаусыз, белгілі тәртіпті сақтамай көкпар, тағы басқа қауіпсіздікті сақтау қажет-тілігі бар спорттық  ойындардың  өткізіліп  жүргенін жергілікті полиция қызметінің назарына салған болатын. Бұл жөнінде тұрғындарға Заң талаптарын түсіндіру, елге жеткізу де тапсырылған.

Биыл ғана жұмысын бастады  дегенмен де  жергілікті полиция бұрынғы жүйенің негізінде құрылып, жұмыс атқарып жатыр. Көш жүре түзелер десек те қоғамдық тәртіпті,  заңдылықты сақтау тұрғындар құқығын қорғау найқалып-шайқалуды көтермейтін  мәселе екенін ескерер жергілікті полиция қызметі. 

Х.АХМЕТЖАНОВ,  қоғамдық кеңес мүшесі.