Аталған құжаттар негізінде аудан аумағында жоспарланған мақсатты шаралар іске асырылуда, лауазымды тұлғалар мен мемлекеттік қызметшілердің, мемлекеттік мекеме қызметкерлерінің жауапкершілігін арттыру, мемлекеттік қызметтің беделін арттыру, ҚР «Мемлекеттік қызмет туралы» Заңының, «Әдеп кодексін», «Жемқорлыққа қарсы іс-қимыл туралы» Заңының талаптарын орындау қатаң бақылауға алынған.

Еңбекшіқазақ ауданы әкімі аппаратының ресми сайтында жергілікті мемлекеттік органдардың сыбайлас жемқорлыққа қарсы іс-қимыл  бойынша қызметі туралы арнайы тараулар да орналастырылған.

Барлық мемлекеттік мекемелерде мемлекеттік қызметшілердің «Әдеп Кодексі» ілінген, ауданда «сенім»  телефондары үнемі жұмыс істеуде. Сенім телефонына қоңырау түскен жағдайларда телефон соғулар уақытылы тіркеліп, олар бойынша тиісті, заңды шаралар қабылданатын болады. Мемлекеттік мекемелердің қолжетімді көрінетін орындарында «заңды және жеке тұлғалардың өтініштері мен арыз-шағымдары үшін пошта жәшіктері» ілінген. Қазақстан Республикасының «Заңды және жеке тұлғалардың өтініштерін қарау тәртібі туралы» Заңының талаптарына сәйкес пошта жәшіктеріне келіп түскен хаттар уақытылы тіркеліп, арыз иелеріне  уақытылы  жауап берілуі үнемі қатаң бақылауда тұрады. Жергілікті бюджеттен қаржыландыратын аудандық атқарушы органдар, қала және селолық округтер әкімдіктерінде жеке және заңды тұлғалардың өтініштерін қабылдауға арналған жәшіктері де орналастырылған. 

Ауданның мемлекеттік органдарымен мемлекеттік қызмет көрсету сапасы әрдайым бақылауда. Атқарылған жұмыстар қорытындысын әр тоқсан сайын аудан әкімінің ресми сайтына жарияланып отырады. Халыққа қызмет көрсету орталығымен бірлесе отырып сыбайлас жемқорлыққа қарсы әрекет жайында бір терезе қағидасы негізінде және жұмыс сапасын арттыру бағытында жұмыстар ұйымдастырылуда. 

Еңбекшіқазақ ауданы әкімдігінің 2012 жылдың 26 наурызында «Еңбекшіқазақ ауданының селолық округтары және Есік қаласы елді мекендерінде жер телімдерін беру сұрақтары бойынша комиссияларын  құру туралы №268 қаулысымен комиссия құрамдары бекітілген. ҚР Жер Кодексінің 43 бабына сәйкес комиссия құрамына аудандық жер қатынастар бөлімі, аудандық сәулет және қалақұрылыс бөлімдері уәкілдері, аудандық депутаттар, кәсіпкерлік ұлттық палатасы уәкілі және ауыл ақсақалдары, жігіт басшысы келісім бойынша енгізілді.

Ауыл әкімдері жер мәселесіне қатысты өтініштерді жер комиссиясының отырысында қарап, комиссия қорытындысына сәйкес және азаматтардың өтініштеріне сай жауаптары уақытылы беріліп отырады. 

Мемлекеттік сатып алу рәсімдерін өткізудің ашықтығын арттыру мақсатында мемлекеттік сатып алу электронды түрде жүргізілуде және ҚР «Мемлекеттік сатып алу туралы» Заңы талаптарының сақталуын қамтамасыз ету мақсатында түсіндіру жұмыстары ұдайы жүргізілуде.

Б.ЖАЙЛАУБАЕВ,

Аудан әкімі аппаратының

заң және мемлекеттік-құқықтық

бөлімінің басшысы.