Ауданымыздың түпкір-түпкірінен жиналған сәні мен ақылы келіскен 19 ару «Өзін-өзі видеоролик арқылы таныстыру», «Өз өнері», «Ұлттық сән үлгісі», «Білім сайы-сы» кезеңдері бойынша өнер көрсетті. Бірі ән айтса, енді бірі би билеп көпшілікті таңдандырды. Ал, «Ұлттық сән үлгісі» сайысында қыздар өздерінің қолөнер шебері екендігін көрсетіп, оюлармен өрнектеген киімдерімен жұртшылықты аң-таң қылды. Олардың өнерін аудандық мәдениет және тілдерді дамыту бөлімінің жетекші маманы Ақмарал Қанапина, мәдениет үйінің директоры Райхан Жанбосынова, актриса, хореограф Балжан Төкен мен жастар ресурстық орталығының бас кеңесшісі Сұлтан Тойғанбай бағалап, қазылық етті.
Байқау нәтижесінде қаракемерлік Дильшода Карибае-ва жүлделі үшінші орынға шықты. Саймасайлық Аружан Өмірбек екінші орын алды, бірінші орын Ақшидің аруы Назерке Анықбайға бұйырды. Сайыста білімі мен шеберлігі, сұлулығы мен ұшқырлығын көрсете білген рахаттық ару Гүлсезім Тазабек бас жүлдені иеленіп, «Еңбекшіқазақ ауданының аруы» атанды. Қатысушылар алғыс хаттармен марапатталып, жеңімпаздарға бағалы сыйлықтар табысталды.
Сардарбек НҰРАДИН.