Жалпы, ауданда 2 лагерь жұмыс істеп тұр. Оның бірі – балалар мен жасөспірімдердің туристік және экскурсия орталығы, екіншісі, Түрген шатқалындағы 6-шы шақырымда орналасқан «Тау-Жаңашар» балалардың қарқынды демалу орталығы. Қазіргі таңда екеуі де алғашқы лекті қабылдап үлгерді. Балаларды жазғы сауықтырумен қамтуда оның әлеуметтік жағдайы да басты назарда болған. Ол турасында:
– Әртүрлі санаттағы балаларды жазғы сауықтырумен толықтай қамту туралы жетім, ата-анасының қамқорлығынсыз қалған 286 оқушы, патронаттық тәрбиедегі 26, мүмкіндігі шектеулі 235 бала, әлеуметтік аз қамтылған және көпбалалы отбасынан 3213 оқушы, сәтсіз отбасыларынан 145 оқушы, ІІБ жасөпірімдер бөлімінде есепте тұратын 41 оқушы, мектепішілік есепте тұратын 168 оқушы, 1-10 сыныптарды үздік бітіретін 6680 оқушылар, ауған соғысына және чернобыль апатына қатысқан отбасыларынан 10 оқушы, оралман және еңбек мигранттарының 419 балалары, ата-аналары туберкулезбен тіркелген отбасынының 65 балалары және т.б балалар толықтай жазғы сауықтыру шараларымен қамтылуы жоспарланды, – дейді аудандық білім бөлімінің бас маманы Қайролла Әлішев. Сондай-ақ, Қайролла Әбдіқадырұлының айтуынша, жазғы сауықтыру жұмыстарына тікелей жауапты мектеп директорларының тәрбие ісі жөніндегі орынбасарларымен жоспар бойынша сәуір, мамыр айларында аудандық семинар өткізіліп, жазғы сауықтыру шараларын жүйелі ұйымдастыруға қатысты барлық мәселелер талқыланған. Одан өзге білім мекемелерінде жазғы кезеңде судағы қауіпсіздік ережелері, алғашқы медициналық көмек көрсету, сыртқы ортада өз-өзін ұстай білу, техника қауіпсіздігі ережелері туралы оқушылармен әңгімелер, тәрбие сағаттары өткізілген.
Ендеше, жаз жайлы болсын, жасөспірімдер!
Қайнар ЖҰМАҒОЖА.