Жиылған жамағатты құттықтап, Шелек селолық округі әкімінің орынбасары Мәди Бектасов, мешіттің демеушісі Билал Ушуров, тағы басқалар сөз сөйлеп, игі тілектерін жеткізді. Діни уағыздар айтылып, діни сауаттылықты арттыру мақсатында сұрақтарға жауап қайтару, спорт түрлерінен – күрес, қол күрес, арқан тарту, кір тасын көтеруден жарыстар ұйымдастырылып, бәріне сыйлықтар тапсырылды. Құрбандыққа шалынған мал еттері таратылды. Кәсіпкер Б.Ушуровқа қайырымдылық ісі үшін шапан жапты. Сөйтіп, құрбан айт күні жамағатқа жақсылық жасалды.
А.МӨКІШҰЛЫ.