Ата-бабаларымыз білектің күшімен, найзаның ұшымен қасық қаны қалғанша жаумен күресіп, ұрпақты ұран етіп, бір қарыс жері үшін жанын беруге дайын болған. Ел ішінде дәл сондай бабалар аманаты мен қасиетін бойға сіңірген, Отан үшін отқа түсуден тайынбайтын азаматтар жетерлік. Солардың бірі – Өрікті ауылының тумасы Нұрсұлтан Қартбаев.
Былтыр жазда Қазақстанды дүр сілкіндірген Алматы қа-ласындағы оқиғаны ешкім де ұмыта қоймас. Полиция қыз-меткерлеріне оқ жаудырған сол қандықол қылмыскерге тосқауыл болып жалғыз өзі тұтқында-ған Нұрсұлтан Қартбаев еді. 8 адамды жер жастандырып үлгерген қылмыскерді Нұрсұлтан тұтқындамағанда басқа да адамдардың өміріне қауіп төніп тұрғаны анық-тын. Жерлесімізді осындай ерлігі үшін былтыр тәуелсіздік мерекесі қарсаңында Астана қаласында Елбасымыз Н.Ә.Назарбаев өз қолымен 3-ші дәрежелі «Айбын» орденімен марапаттады. Тәуелсіз күннің батыры деген атқа әбден лайықты Нұрсұлтан Айдынғалиұлы аудандық жас-тар ресурстық орталығының ұйымдастыруымен, өзі оқыған Өрікті ауылындағы Бейімбет Майлин атындағы орта мектептің оқушыларымен кездесті.
Кездесуді жүргізген ау-дандық жастар ресурстық орталығының кеңесшісі Айжан Әбіт оқушыларға Нұрсұлтан Айдынғалиұлының өмірбаянын таныстырып, жастарды ашық сұхбатқа шақырды. Келесі сөзді алған мектеп директоры Айгүл Омарқызы Нұрсұлтанның оқушы кездерінен естелік айтып, бастауыш мұғалімі Жұлдыз Барлыбайқызы мен сынып жетекшісі Өзихан Әлімбайқызы және басқа да мұғалімдеріміздің Нұрсұлтанның осындай азамат болып қалыптасуына қосқан үлесі зор екенін жеткізді.
Басты қонақтарына сұрақ қоюға келгенде оқушылар аянып қалмады. Неліктен полиция мамандығын таңдағандығын сұ-раған Күндерке Маратоваға:
– Мені бұл мамандыққа әкел-ген Отанға деген сүйіспеншілік, шын қалауыммен отан үшін қызмет еткім келді – деді. Мектептегі жастардың жетекшісі Нұрсұлтан Жахановтың «Елбасы-ның қолынан орден алып жатқаныңызда қандай сезімде болдыңыз?» – деген сұрағына Нұрсұлтан Айдынғалиұлы қат-ты қобалжығандығын айтып, Елбасының қолын ұстап, ақ батасын алғанда патриоттық сезімнің не екенін жете түсінгендігін жеткізді. Басқа да сұрақтарға жауап берген Нұрсұлтан Айдынғалиұлы:
– Қазір терроризм дегеніміз бүкіл әлемге төніп тұрған қауіп. Өкінішке қарай біздің елдің кейбір азаматтары да теріс жолға түсіп, жазықсыз адамдарға оқ атқанын көрдіңіздер. Сол себепті жастарға айтарым намаз оқыңыздар, жұмаға барыңыздар бірақ жат діни ағымдардың жетегіне еруден сақ болып, мешіттердегі имамдардың сөзіне ғана сену керек – деп жастарға жат ағымның жетегінде кетпеуді ескертті.
Нұрсұлтан Айдынғалиұлын жастарға үлгі қылу мақсатында өткен шара оқушыларға ой салды, бойларына жігер сыйлады. Кездесу соңында мектеп директоры Айгүл Мукаева Нұрсұлтан Қартбаевқа оқушылардың қолы-мен әзірленген сыйлықтар табыстады.
Ринат НАРХАНОВ.
