Дүйсенбі, 09 Қазан 2017 22:43

Халық сенімі бәрінен де маңызды

Ұлт Жоспары «100 нақты қадамның» 13 бөлігі заңның үстемдігін, адам құқын қорғауды қамтамасыз етеді. Осы тұрғыда бүгінгі таңда азаматтық әкімшілік, сот әдебі Кодекстеріне бірқатар өзгерістер еніп отыр. Мақсат айқын: сот жүйесіне деген халық сеніміне селкеу салмау. Осындай маңызды реформаларды түсіндіру мақсатында Алматы облыстық сотының төрағасы Мейрамбек Таймерденов ауданымызға келіп, активпен кездесті. Жиынды аудан әкімі Бинәлі Ысқақ жүргізіп отырды.

Төле бидің туралығын, Әйтекенің әділдігін көрсететін, түйінінде Қазыбектің қазылығын айтатын бүгінгі судьяларымыз-дың мойнында шындығын айтсақ, адам тағдыры тұр. Ал адам және оның өмірі Ата Заңымыздың алғашқы парағынан орын алған. Демек, «бармақ басты көз қысты» әңгіме бұл салаға жат. Осы тұрғыдан кеңінен әңгіме қозғаған Мейрамбек Таймерденұлы электрондық жүйеде талап-арыз, сотқа шақыру процестері жүргізіліп жатқандығын айрықша атады. Әрі ашықтық – әділдікке бастайтынын кесіп айтты: – Қазір облыстағы 87 сот залының бәрі де бейнебақылаумен қамтылған. Яғни, сот кеңесі аяқталғаннан кейін екі тарап та видеосын алуға толық мүмкіндік бар. Екіншіден, қашықтықтан сот отырысын өткізу, ұялы телефон арқылы түсінік беру секілді тәжірибелерді іске асырып жатырмыз. Бұл да өз кезегінде бірқатар түйткілді жеңілдетуде, – деді. Сонымен қатар сот процесі уақытында бас-талмаса, жауапты судьяға да қатаң шара қолданылатынын ескертті.

Қазақстандағы сот жүйесі 2015 жылдан бастап Халықаралық сот Ассоциациясына мүше болған. Бұл өз кезегінде еліміздегі сот жүйесі әлемдік стандарттарға толық сай жұмыс жасайтындығын көрсетеді. Оған тіпті, Ресейдің өзі әлі кірмеген. Осы төңірегінде кеңінен ой қозғаған төраға аудандағы 13 судьяның жұмысына оң бағасын берді. – Еңбекшіқазақ – халық саны жағынан да, көлемі жағынан да іргелі аудан. Осы жылдың тоғыз айының көрсеткішін барлап қарасам, көңілімнен шығып отыр. 5500 азаматтық іс қаралып, оның 97 пайызына шағым түспеген. Яғни, екі тарап та соттың шешімімен қанағаттанған. Бұл мақтауға тұрарлық жағдай. Екіншіден, облыстағы 29 судьяның 4-еуі әйелдер. Бұл өз кезегінде әйелдер қауымының өз жұмысына асқан ыждаһаттылықпен қарайтынын көрсетеді, – деді.

Актив отырысынан кейін Мейрамбек Таймерденов аудан ардагерлерін жеке сұрақтарымен қабылдады.

Қайнар ЖҰМАҒОЖА.

 

Оқылды 2258 рет

Соңғы жаңалықтар

Сәу 10, 2025

Пестицидтерді қолдану кезіндегі…

Пестицидтер — ауыл шаруашылығында өсімдіктерді зиянкестер мен аурулардан қорғау үшін…
Сәу 10, 2025

Фаст-фудтың зияны

«Фаст - фуд» - термині ағылшын тілінен аударғанда «тез тағам» деген мағынаны білдіреді.…
Сәу 10, 2025

Кене энцефалитінің алдын алу

Кене энцефалиті – жедел вирусты ауру, бұл вирус адамның миын және жұлынын зақымдап, сал…
Сәу 10, 2025

Генетикалық модификацияланған…

Генетикалық модификацияланған өнімдердің (ГМӨ) зияны туралы мәселе ғалымдар мен мамандар…
Сәу 10, 2025

Безгектің сақтық шаралары

Безгек - паразитпен шақырылатын, науқас адамнан сау адамға маса шағу арқылы берілетін,…
Сәу 09, 2025

Жақында «Алатау лигасының» жаңа…

2025 жылдың 15 сәуірінде Алматы облысындағы бұқаралық спортты дамытуға арналған жоба –…
Сәу 08, 2025

Алматы облысы бойынша Тексеру…

Алматы облысы бойынша тексеру комиссиясы 2024 жылы 22 тиімділік аудитін, 1 – сараптамалық…

Күнтiзбе

« Сәуір 2025 »
Дс Сс Ср Бс Жм Сб. Жк
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет