Желтоқсанның төртінде аудан әкімінің бірінші орынбасары Айбек Бидаев жеңімпаз спортшы қыздарды қабылдап, құттықтады. Тарқатайық...
Қырғызстан Республикасында өткен қол күрестен Азия чемпионатының чемпионы Анастасия Ряполова және үшінші орын жүлдегері Айдана Мұғайды аудан әкімінің Алғыс хатымен марапаттаған А.Бидаев: «Спортшыларымызға әрдайым қолдау көрсетуге дайынбыз. Есігіміз ашық. Жеңістеріңіз құтты болсын», – деді. Бапкерлері Тахиржан Махмутов пен Сергей Клеменко да аудан әкімі Б.Ысқақтың алғысына бөленді. Денсаулығының ақауына қарамастан өмірдегі өз орнын спорттан тапқан 20 жасар Анастасияның қол күреспен айналысқанына 8 жылдан астам уақыт болған. Бүгінде Анастасия жүзуден облыс чемпионы әрі спорт шеберіне үміткер. Ал, 15 жасар Айдана бұл спорт түрімен 4 жыл көлемінде шұғылданып келеді. Кездесу барысында Айбек Дүйсембекұлы жас спортшылармен пікір алмасып, естелік суретке түсті.
Алар асулары мен бағындырар белестері биік болсын, спортшыларымыздың!
Алмагүл Нұғман.