«Bilim-orkenieti» ұлттық инновациялық ғылыми-зерттеу орталығының ұйымдастыруымен еліміздің жастарын қолдау үшін қолға алынған республикалық «Үздік студент» жобасы аясында шығарылатын «Қазақстанның 100 үздік көшбасшы студенті» атты талантты студенттердің кітап жинағының алғашқы шығарылымына құжаттарды қабылдау басталды деген хабарландыруды ести сала, колледж директорының тәрбие ісі жөніндегі орынбасары Қ.Қарақатова жобаға қатысуға ниет білдірді. Қаракемер кәсіптік колледж ішінде іріктеу өткізіліп, арнайы тігінші мамандығының 3 курс студенті Гүлнұр Дүмшебаева мен жоба жетекшісі Гүлмерей Мұратқызы, электр жабдықтарына қызмет көрсету жөніндегі электромонтер мамандығының 3 курс студенті Арман Тухтамишов пен жоба жетекшісі Нәсіп Калиханова, автокөлікті жөндеу слесарі мамандығының 2 курс студенті Жәнібек Тұрап пен жоба жетекшісі Камила Өмірбаевалардың жобалары байқауға жіберілген.
«Қазақстанның 100 үздік көшбасшы студенті» атты жобасы – Тәуелсіздік жылдарында табысқа жеткен, еліміздің әр өңірінде тұратын түрлі жастағы, сан алуан этнос өкілдерінің тарихы. Жобада нақты адамдардың нақты тағдырлары мен өмірбаяндары арқылы бүгінгі заманауи Қазақстанның келбеті көрініс табады» делінген. ҚР БҒМ Мемлекет тарихы институты және «Bilim-orkenieti» ұлттық инновациялық ғылыми-зерттеу орталығы бірігіп, «Жастар – еліміздің болашағы» атты халықаралық форумға қатысуға, «XXI ғасыр көшбасшысы – үздік студент» атты халықаралық байқауының салтанатты марапаттау рәсіміне Нұр-Сұлтан қаласына жолдама алдық. Колледж директоры М.Исаков және колледж ұжымының қолдауымен студенттерімізді Нұр-Сұлтан қаласына аттанды. Президент Қасым-Жомарт Тоқаевтың марапаттауына ие болған студенттеріміз І дәрежелі ДИПЛОМ «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына Жолдауын жастар арасында кеңінен насихаттау мақсатында өткен «XXI ғасыр көшбасшысы» атты халықаралық үздік студенттер байқауының жеңім-паздары атанып, халықаралық «XXI ғасыр көшбасшысы» атты байқауының материалдар жинағына еніп, «XXI ғасыр көшбасшысы» атты медалімен марапатталып, қоржындарын толтырып қайтты. Бұл біздің колледжіміз үшін үлкен жетістік!
Нәсіп Қалиханова