Білім – үздіксіз ізденген, кедергісіз алға ұмтылған жанға ғана иіледі. Оған елімізде орын алған төтенше жағдай дәлел. Қанша тосқауыл болса да, ілімге ұмтылған ұстаздар үшін «Өрлеу» құшағын айқара ашты. ҚР білім және ғылым министрлігі біліктілікті арттырудың ұлттық орталығы «Өрлеу» АҚ Алматы облысы бойынша филиалы «Шағын жинақталған мектептерде біріктірілген сынып-комплектілерінде пәндерді оқыту әдістемесі» тақырыбында мектеп мұғалімдеріне арналған біліктілік арттыру курсын онлайн ұйымдастырып, кәсіби дамуымызға септігін тигізді.

Курс жетекшісі Білім беру процесін психологиялық-педагогикалық қолдау кафедрасының аға оқытушысы, PhD доктор Меруерт Бисенбаева өз дәрісін  білім беру мазмұнын жаңарту, білім берудің қазіргі заманғы үрдістерін және Қазақстандық білім берудің үздік практикасын кіріктіруге бағытталған жүйеден бастады. Жетекші өз жұмысын, педагогтардың кәсібилігін дамытуға қажеттілігін қалыптастыру, педагогикалық қызметті оның ізгіліктік бағытталуының жоғары өнімділігін қамтамасыз ететін шеберлік деңгейін жетілдіруге бағыттады.

«Білімді болу деген сөздің мағынасы – белгісіз нәрсені ашуға қабілетті болу», – деген Әл-Фарабидің сөзіне жүгінетін болсақ, ел ертеңі білімді ұрпақпен ғана өлшенбек.

Мемлекетіміздің білім беру үдерісіне енген жаңартылған білім беру бағдарламасы — заман талабына сай келешек ұрпақтың сұранысын қанағаттандыратын тың бағдарлама. Курс барысында аталған білім беру бағдарламасы туралы түсінгенім мен ұғынғаным мол.

Курс тыңдаушылары орта білім беру жүйесіндегі нормативтік құқықтық актілерімен бекітілген мемлекеттік саясаттың негізгі бағыттары мен ұстанымдары, орта білім білім беру жүйесі педагогтердің қызметін реттейтін нормативтік-құқықтық актілермен танысудан басталды.

Осындай қиын сәтте бізге оңтайлы жағдай жасап, облысымыздың түрлі шалғай ауылдарының мұғалімдерінің басын қосып, қашықтан курс ұйымдастырып отырған институт ұжымына және курс жетекшісі PhD доктор Бисенбаева Меруерт Кенжеғұлқызына алғыс айтамыз! Еңбектеріңіз жемісті, шығармашылықтарыңыз жоғары болып, өрлей беріңіздер дейміз!

Гулноз ШАНАЗАРОВА,

Райымбек  атындағы орта мектеп директорының оқу-тәрбие ісі жөніндегі орынбасары