Барша қазақстандықтарды дүрбелеңге салған қазіргідей кезеңде еліміз үшін сабырлы, салиқалы кеңес, жаңашар қолдау керек. Туыстары мен жақындарын жоғалтып жатқандар да аз емес. Тосыннан келген ажалдың ешкімді аямасы белгілі. Осыған байланысты ҚР Президенті Қасым-Жомарт Тоқаев телеарна арқылы халыққа үндеу жариялап, сабырға шақырған болатын.

Әлемді шарлаған дертке шалдыққандар саны 12 миллион адамға жетсе, көз жұмғандар саны 500 мыңнан астады. Соған орай, Президент еліміздегі болып жатқан қиын жағдайға байланысты екі апталық карантин жарияланды. Осы карантин кезінде азаматтардың шектеу шараларын қатаң сақтау, жұқпалы аурумен күрестің нәтижелі болуы әрбір қазақстандықтың борышы, міндеті деп есептеймін.

Соынмен қатар, Президент өзінің үндеуінде жөнсіз алыпсатарлықпен айналысып, дәрі – дәрмектердің  бағасын асыра сатып, өз кәсіпкерлігін арамдықпен жүзеге асырғандар жауапкершілікке тартылатындығын және ел арасында іріткі салып, жалған ақпараттар таратып жүрген азаматтар да               ҚР Консутитуциясына сәйкес жауапқа тартылатындығын дөп басып айтты. Қасым-Жомарт Кемелұлы  дәрі – дәрмек мәселесін ашып айтып, дәрілердің халыққа қол жетімді болуы қолға алынғандығы және парацетамол дәрісінің 800 мың қорабы мен 150 мың қорап антибиотиктермен қамтылғандығы айтылды.

Мемлекет басшысы өз сөзін қорытындылай келе, қауіпті індеттен қаза тапқандардың жақындарына көңіл айтып, 13 шілде күні індеттен қайтыс болғандарға ел болып аза тұтылатынын атап өтті. 

Бұл халықтың маңдайына жазылған уақытша бергін сынақ деп білейік. Азаматтарды сол сынақтан сүрінбей өтуге, қандай қиыншылық болсада сабырлықпен жеңуге шақырамын.

Айбек Ілебаев,

Еңбекшіқазақ ауданы

Жастар ресурстық орталығының жетекшісі,

«Жас Отан» ЖҚ аудандық  филиалының төрағасы,

аудандық мәслихат депутаты