Дәл осылай жаңа жылды қарсы алды қайназарлық бүлдіршіндер. Нақтылай өтсек, 22 желтоқсанда Рахат округі әкімдігінің қолдауымен, Қайназар мәдениет үйінің директоры Райхан Жанбосынованың ұйымдастыруымен мүмкіндігі шектеулі округ бүлдіршіндері қуанышқа кенелді. Шыршаны айналып, Аяз атаға өлеңдерін оқып, тәттілерін алды.

Жасыл шыршаны айналған бүлдіршіндер мен ата-аналарға алғаш тілегін Райхан Жанбосынова ақтарды:

– Құрметті бүлдіршіндер, Сіздер келешегімізсіздер. Бүгінгі алдыңғы буын өкілі ретінде оң жол сілтеу  – бізге міндет. Ең маңыздысы, Сіздердің жарқын күлкілеріңіз, риясыз қуаныштарыңыз. Жаңа келе жатқан мешін жылы баршаларыңызға құт әкелсін, – деді.

Аяз ата мен ақшақарды сағына күткен бүлдіршіндер шырша кейіпкерлерін зор қуанышпен қарсы алды. Кейіннен округ бойынша 655 мүмкіндігі шектеулі бүлдіршіндерге кішігірім сыйлықтар таратылды. Ойындар ойналды. Қой жылын құрметпен шығарып салды, мешін жылын ақжарқын жүзбен қарсы алды. 

Өз тілшіміз.