Емхана басшысы Болат Балақойшиев жиынның мақсаты турасында ақ халатты абзал жандарға кеңінен түсінік берді. Әрмен қарай Қуат Байғожаев: «Бүгінгі таңда «нұротандықтар» қатарының миллиондық межеге жақындап қалғандығы аталған партияға деген ел сенімінің айғағы. «Бірлік түбі – тірлік». Елбасымыздың бес институционалдық реформасы, «Ұлт жоспары – 100 нақты қадам» және «Қазақстан жаңа жаһандық ахуалда: өсім, реформалар, даму» атты халыққа Жолдауы еліміздің әлеуетін арттырып, даму жолын айқындаған бастамалар. 2016 жыл – дәл осы игі бастамалар іске асырыла бастайтын жыл. Қазақстан – көппартиялы мемлекет. Алайда, тәуелсіздігімізді алғаннан кейінгі жылдар ішінде қазақ халқының мәңгілік ел болу мақсатына, әлемдегі ең озық елдердің қатарына қосылуға ұмтылған мемлекетімізге «Нұр Отандай» қызмет ете алған ешбір сая-си ұйым болған жоқ. Осы себепті Елбасы саясатын қолдап, «Мәңгілік Ел» болу мақсатына ұмтылған еліміздің дамуына үлес қосыңыздар. Партия қатарына өтіңіздер» – деді. Бауыржан Бименов: «Партия қатарына мүше бола отырып, Елбасы бастамаларының жүйелі жүзеге асуы әрбіріміздің қолымызда. Елбасы жүктеген жауапты міндеттер өздігінен іске аспайтыны айқын. Бұл үшін бірлік пен өзара келісім әрі ортақ көзқарас қажет. «Нұр Отан» партия-сы аталған бірлікке жұмылудың жолы» – деді.
Жиын соңында емхана қызметкерлеріне партия қатарына өту тәртібі түсіндірілді. Сондай-ақ, ел мүддесі жолында еңбек ету, реформаларды жүзеге асыру жолдары және бір мақсат, бір мүдде, бір болашақ жолындағы өзара ынтымақ таныту мәселесі сөз болды.
Ә.МАНАСБЕК.