3-4 қарашада Талдықорған қаласы І.Жансүгіров атындағы мәдениет сарайында жылдағы дәстүрлі ХІV – балалар шығармашылығының «Жетісу жұлдыздары» байқауы өткен-тін. 170-ке жуық өнерпаз қатысқан өнер додасында ауданымыздың намыс туы еркін желбіреді.
Малыбай ауылдық мәдениет үйінің Ш.Нодерованың жетекшілігіндегі «Ясмин» бишілер тобы мың бұрала жүріп бас жүлдені қанжығаға байлады. Сондай-ақ, 50 мың теңгелік ақшалай марапатқа ие болды. Ал, әншілер арасынан айшықталып, бірінші жүлделі орынмен қайтқан Шелек ауылындағы Т.Кенжебаев атындағы орта мектептің 4 сынып оқушысы Жансая Қанатқызы болды. Ол да 40 мың теңгелік ақшалай марапатты еншіледі. Жансаяға жетекшілік етіп апарған апайлары С.Анапияева мен Х.Скакованың кеңесімен әнші қызымыз байқауда «Цвети земля моя» әнін шырқаған еді. Өрендеріміз өнерлерімен өрледі, ендеше, алдағы жолдары да ақ болсын дейік!
Алмагүл НҰҒМАН.
