Шелек ауылындағы тарихи-өлкетану музейінде мемлекеттік қызметкерлер күніне арналған игі шара өткізіліп, оған ардагерлер мен Шелек ауылдық округі әкімі аппаратының қызметкерлері қатысты.
Жиынды музейдің қор сақтау-шысы Әбілбек Айтақынов ашып жүргізіп, мемлекеттік қызмет деген – азаматтардың мемлекеттік органдар мен оның аппаратындағы кәсіби қызмет екенін, мемлекеттік қызмет жүйесі саяси және әкімшілік болып екі санатқа бөлінетін лауазымдарды құрайтынын, ықпалы зор адамдар саяси лауазымға жататынын, ал қалғандары әкімшілік санатта одан әрі жетілетінін, мұндай жауапты істе істеген соң өз қызметін әділ атқарудың маңыздылығын түсіндіріп, оларды төл мерекелерімен құттықтады. Округ әкімі-нің орынбасары Ертай Нұрмақанов мемлекеттік қызметте істеудің өзі абыройлы іс екенін, қазіргі таңда округ көлемінде атқарылып жатқан жақсы іс, жаңалықтарды, сол қыруар жұмыстардың дұрыс атқарылуына бар мүмкіндіктерін жұмылдырып жатқанын тілге тиек етті. Ал, Сөгеті ауылдық округінде ұзақ уақыт әкім лауазымында қызмет еткен, ардагер Айтжан Қашағанов ел сенімінен шығатын бұл қиын да жауапты қызметті жетік меңгеріп, дұрыс атқарғанда ғана абырой әкелетінін өз іс-тәжірибесінен мысал келтіре сөзіне арқау етіп, жастарға қызметтеріне табыс тіледі.
Жиыннан соң Ә.Айтақынов музейден «Мемлекеттік қызмет – ел абыройы, қоғам айнасы» деген арнайы бұрыш ашып, суреттері ілінетінін, қазір бірнеше ардагерлердің суреттері бұрыштан орын алғанын, бұл іс алдағы уақытта толысатынын айтса, музей директоры Эльмира Қанатқызы қонақтарды музейдегі жаңадан ашылған бұрыштармен, қосылған экспонаттармен таныстырды.
Анарбек МӨКІШҰЛЫ.